بحث
أفضل شامبو للشعر ، صحي ولامع ، د. جنة خداده
✨✨ مثال ممتاز لشامبو شعر صحي✅✅ :
من قبل سألتكم سؤال عن افضل شامبو للشعر و حطيت بعده بوست و وضحت انه افضل شامبو للشعر هو الشامبو اللي يناسب شعركم و يكون فيه عناصر مغذيه و خالي من المواد الضاره للشعر لانه فعلا في شامبوات رديئه للاسف
و قلت و ارد و اقول الشامبوات الممتازة كثيرة و النوعية الممتازة مو شرط اهي اللي بالصيدليات دون الجمعيات او بالجمعيات دون الصيدليات او اللي سعرها غالي هي الافضل ماله علاقه و البوست هذا مثال على احد امثله كثيرة لشامبوات ممتازة لانكم دايما تحبون الامثله و تنبنون على اساسها الاختيارات الزينه.. شنو الشامبو اللي اخترته كمثال لكم و ليش ؟!؟!؟!
الشامبو اسمه 💎💎VITAMIN RECHARGE 💎💎 هذا خذته من بوتس براند اسمه eva اسباني على فكرة البراندات الاسبانيه و الايطالية و الفرنسيه جودتها حيل عالية عن تجربه و خبره طويله
ليش رائع و ليش حطيته كاختيار ممتاز :
١- اولا خالي من الاضافات اللي تضر الشعر ببعض الشامبوات :
خالي من الكبريتات و البارابين و السيليكون و المواد المحسسة و الاصباغ الصناعية فعلا شي ممتاز 👍🏼👍🏼٢- الشامبو هذا فيه كل الفيتامينات المغذية
اللي اهي فيتامين B1 , B2 , B6 , B12 , E, و فيه بيوتين و بانثينول للترطيب 😻👍🏼😻👍🏼٣- من كثر ما اهوا امن يصير يستخدم حتى للاطفال
من فوق عمر 5 سنوات و اي بنت مسويه بروتين او كيراتين و انتلف شعرها٤- حجمه و كميته كبيره و تركيبته رائعه و سعره فوق هذا كله مناسب ✅✅
الشامبو هذا يقدرون يستخدمونه :
- البنات و الشباب - الاطفال حتى من عمر ال 5 سنوات
- البنات اللي مسوين كيراتين او بروتين و انتلف شعرهم
طريقة استخدامه ؛
ميل اي شامبو عادي مرتين لثلاث مرات بالاسبوع ينحط على شعر مبلل و يدلك فيه الشعر و يترك لمدة اربع دقايق قبل الغسل عشان تستفيدون من تركيبته الغنية .بالنهايه نفس ما قلت هذا مجرد مثال ممتاز و قلت ليش ممتاز و الخيار لكم 💎💎💎💎👍🏼👍🏼👍🏼👍🏼 بالنسبه للشامبو لازم يكون اختاره زين مو بس للمتابعين حتى الصالونات اللي لما تروحون تغسل شعركم و بعضهم ياخذون دينار بس على غسيل الشعر لازم تنتقون شامبوات زينه مثل هذا او غيره من الشامبوات عشان لا تضرون شعر البنات👍🏼👍🏼
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق