طريقة اختيار كريم الشمس المناسب ، د. جنة خداده

حمايات الشمس و ال Spf المناسب ؟!؟!

دايما ً تحتارون شنو افضل رقم حماية او نسبة حماية مناسبة لكم اقصد Spf اللي ينكتب عالحمايات لانه في ارقام او نسب مختلفة و راح اختصرلكم و اريحكم من هالشي عشان لما تمرون الصيدليات تعرفون تشترون المناسب بدون تردد .

الاجابة باختصار :

الحماية اللي فيها نسبة الحماية من أشعة الشمس Spf ثلاثين فما فوق زينه يعني من SPf 30+ كافية و ماتفرق عن Spf 50+

و هذا تبعا للدراسات اللي عرضت بالمؤتمر الاخير للجلدية و الليزر و التجميل العالمي الذي حضرته في دبي فلازم تعرفون هالشي اذا الحماية مكتوب عليها Spf 30+ فعاليتها ماتفرق وايد عن اللي حمايتها Spf 50+ و انهم يحمون بنفس الفعالية و بينهم شي بسيط جدا اما اي شي تحت spf ثلاثين يفرق حيل

هالشي اتمنى فادكم لانه فعلا الدراسات و المؤتمرات دايما تضيف معلومات مثبتة علمياً و مدعومة بدراسات 😍😍😍😍 يعني سواء 30+ او 50+ ممتازين بنات لا تحاتون .

د.جوووووج

ليست هناك تعليقات :