خلاصة تجربتي من الأوفر ويت الى الوزن المثالي دون حرمان - د جنة خداده

دايما جوعان وما أشبع ؟!؟

هل انت من الاشخاص اللي على طول عندهم رغبة بالاكل و ما يشبعون حتى لو تناولوا وجباتهم يحسسون يبون ياكلون بعد 🤔
.
.
يا ترى شنو السبب ؟!

أولاً:
اللي ياكل بسرعة راح ياكل اكثر تلاحظون هالشي ليش ؟! لان بس نبتدي ناكل في اشارات شبع تصل للمخ تعطي الشعور بالشبع فنوقف اكل و تاخذ تقريبا بين ربع ساعه لي عشرين دقيقه لهذا السبب اخذوا وقتكم بالاكل اكلوا عالراحه راح تشبعون و انتو ماكلين اقل 👍🏼 امضغوا الاكل 👊🏻😂👊🏻

ثانياً:
وقت الفراغ يخليك تشعر بالملل و الملل يخليك تاكل بس تشوف نفسك عندك وقت سو اي نشاط تملي فيه وقتك اطلع تمشى اقرى كتاب روح سوق 👍🏼

ثالثا:
نوعية الاكل تأثر يعني كثر ألياف و بقوليات تملي المعدة و تاخذ وقت بالهضم فتعطيك شعوربالشبع لمدة طويله اكثر من غيرها على عكس تناولك للسكريات مثل العصائر و المشروبات الغازية و حلويات ترفع السكر بالدم بس عة فيهبط بسرعة و تخليكم بسرعة تشعرون بالجوع لا تكثرون منها مامنها فايدة 👍🏼

رابعاً:
لا تهملون وجبة الافطار ( الريوق ) تناولوها بعد الاسيقاظ بوقت قليل لان ان أخرتوها راح تيوعون بسرعة و راح تاكلون الاشياء العالية بالسكر الغير مفيدة و تخربطون بوقت متاخر من الصبح ككاوات و مشروبات غازيه و بطاط و فطاير صح و لا لا 😃

خامساً:
اهمالكم لشرب الماء ، العطش احيانا يعطيك شعور بالجوع و انت تكون ماكل وجبتك فلا تاكل مره ثانيه اشرب ماي و انطر و احرص دايما على شربه طوال اليوم 👍🏼

ببساطة ؛:

اخذوا وقتكم بالاكل ،.، حرصوا على وجبة الريوق بعد الاستيقاظ من النوم ،.، لا تهملون شرب الماء ،. املوا وقت فراغكم بشي مفيد غير الاكل 😃 ،. .

د. جنة خداده.

ليست هناك تعليقات :