أفضل طريقة لتطبيق زيوت الشعر بالمنزل دكتوره جنه خداده
كيف اخلي شعري يستفيد من الزيت
أفضل طريقة لتطبيق زيوت الشعر بالمنزل ، لما سألنا سؤال الخميس اللي فات لاحظت ان مازال هناك تطبيق خاطىء عند الكثير من البنات لزيت الشعر وعلى فكرة هذي راح تكون نتيجته مو طيبة مع الايام عالشعر حتى لو ما شفتوا هالشي حاليا وفي بعض البنات تشتكي من تبدي اتحط زيوت على الشعر من تساقط فعشان جذي سوينا هالموضوع والحين بحط لكم طريقتي في وضع الزيوت وضحتها بالفيديو وهي افضل طريقة اتبعتها من سنين والنتايج فوق الخيال في صحة شعري ولمعته :
استخدام الزيت كدهان للشعر
طريقتي في وضع زيوت الشعر
١- اكون مسرحه او امشطه كامل الشعر عشان ما يتشابك معاي .
٢- اجهز الزيت يمي وابتدي اقسم شعري واخذ خصلة خصلة وافرد عليها الزيت سواء بايدي او بفرشة على راحتكم اللي تبونه وعقب فرد الزيت مباشرة امشي عالخصلة اللي فيها زيت بالمشط وخلي مشط مخصص لهالشي عندج عشان صعب بعدين يطلع منه الزيت خليه بس لوضع الزيوت وتوزيعها .
هل يجب غسل الشعر قبل وضع الزيت
يجب غسل الشعر بعد وضع الزيت وليس قبله، طيب ليش استخدم المشط ؟! عشان اتأكد من تخلل الزيت بالتساوي وتوزيعه بشكل صحيح وتام على كامل الشعر بالخصلة ومو بس الجزء الخارجي منها، وبس تخلصون من خصلة تروحون حق اللي بعدها لين تغطون كامل الشعر .
طريقة وضع زيت لتطويل الشعر
٣- نقطه مهمه عند فرد الزيت خلي مسافة ١ سنتي او ٢ سنتي تقريبا عن الجذور وفردي الزيت على بقية الشعر من فوق لي تحت ومو مشكله اذا لامس الزيت شويه الجذور بس حرصوا على انه ما يتم فرك او دعك الجذور فيه .. ليش؟!
أفضل وقت لوضع الزيت على الشعر
أفضل وقت هو قبل الاستحمام مره في الأسبوع لأن وضع الزيوت وضعها باستمرار على الفروة راح يسبب تساقط وارهاق للبصيلات ومع الوقت قشرة دهنية اللي كذلك تؤدي لتساقط بالشعر وبعض الانواع تسبب تحسس وحكة وغيرها من الامور ، عشان هذا السبب سواء بالبيت او اذا رحتوا الصالون لا تحطون الزيت على الفروة .
٤- بعدها رفعوا شعركم وخلوا الزيت لمدة ساعتين عالاقل وتقدرون اكثر بس عن نفسي ماخليه اكثر من ساعتين وبعدها غسلوا شعركم وشوفوا النتايج اللي تسركم ان شاء الله 🥰.
استخدام الزيت للشعر يوميا
يفضل إستخدام الزيت مرة أو مرتين في الاسبوع، حتى لا يكون الشعر خشن أو ينشف الشعر.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق