خرافات الدورة الشهرية: لما جاوبتوا على سؤال الخميس بخصوص هذا الموضوع اكتشفت ان في وايد امور قاعد توصل للبنات غلط وفي بنات اعرفت انها غلط مع الوقت وبنات لا فقلت اوضح بعض الامور لان المعتقدات كثيرة فبتطرق لبعضها واهمها بخصوص الدورة الشهرية.

اولا : اللي يقولكم لا تتسبحون وقت الدورة الشهرية كي لا تصابوا بالعقم! اقولكم مافي مشكلة انكم تاخذون شاور وقت الدورة الشهرية اذا مو اول يوم ريحوا الايام اللي بعدها .. بعدين الدورة عند بعض البنات توصل لي اسبوع او كثر شوي !! هل يعقل البنت بتظل من غير استحمام ونظافة؟! لا طبعا !! ومافي ضرر ان شاء الله بنات. 

اضرار استخدام المسكنات اثناء الدورة الشهرية

ثانيا: لا تاخذون مسكنات لانها تأثر عليكم وعلى الهرمونات وغيرها من الكلام الغير صحيح ، المسكنات وجدت رحمه لان الالم او العوار أثناء الدورة يتراوح بين متوسط لي شديد لدرجة ممكن يقعد البنت دون حركة ويتعبها فهل تظل بألمها هذا ولا تاخذ المسكنات المسموحة ،. المسكنات مامنها ضرر اذا اخذت بجرعة صحيحة ولمدة صحيحة دون اكثار او حتى وقت اللزوم مو لازم فيكم ولا مافيكم عوار تاخذون والمسكنات متنوعه من بانادول لي NSAID مثل بروفين او حتى فولترين 

الرياضة وقت الدورة الشهرية

ثالثا: لا تسوون رياضة وقت الدورة عن نفسي اول يوم اريح مع مسكن ومن ثاني ازاول رياضتي الهرولة والايروبكس او الزومبا وكل البنات اذا ماكان الالم شديد تقدر تمارس الرياضة البسيطة مو تمارين بطن او تمارين السكوات لفترة ماتجاوز الساعة  ترى على العكس ماراح تضركم ولكن راح يخف الالم وتركيزكم عليه واعتقد كثير من البنات اللي اساسا يسوون هالشي عارفين شقاعده اقول.

الخلاصة : 

جم وحدة فيكم بنات تاخذ شاور وقت الدورة و عادي ؟!