اذا ظهر عندك اي من الاعراض التالية متجمعة او واحدة منها حتى تكون عندكم ضروري تسوون فحص الغدة الدرقية اللي شان تتأكدون من عدم وجود خمول بالغدة الدرقية بحط لكم اسم الفحص، اسم فحص الغدة الدرقية TSH, T4, T3.

اهم اعراض خمول الغدة الدرقية

1- تعب وخمول في اغلب الاوقات.
2- جفاف البشرة.
3- تساقط شعر.
4- الاحساس بالبرودة حتى لو كان الجو غير بارد.
5- زيادة وزن او صعوبة في نزول الوزن حتى مع حمية.
6- غزارة الدورة الشهرية عن المعتاد أو عدم انتظامها.
7- قد يكون هناك اكتئاب وبطىء في ضربات القلب وغيرها من الامور كثيرة ذكرنا اغلبها او المعروف منها.

خمول الغدة الدرقية عند النساء والرجال

الحين بوضح نقطة وهي ان خمول الغدة الدرقية يصيب النساء والرجال ولكن النساء اكثر عرضة ويصيبهم بنسبة اكبر عشان جذي خصيتهم بس سواء انت بنت او انت رجل وعندكم هذه الاعراض خلوا هذا الفحص ببالكم اذا رحتوا مختبر وبتسوون فحوصات لان للامانة اللي قاعد يصير هذه الفترة في ناس مباشرة تروح مختبرات للإطمئنان بين فترة واخرى مو غلط بس اذا عندكم عرض مو طبيعي ومو عارفين شنو سببه فيفضل اخذ استشارة طبيب عشان يدلكم على الاقل على الفحص المهم اللي تسوونه بدل ما تسوون اشياء قد تكون مو ضرورية وهذي نصيحة وهالموضوع عشان عالاقل تعرفون منو اللي قد يكون عنده خمول ويحتاج فعلا يسوي فحص الغدة الدرقية وكتبت لكم اسم الفحص.
د. جنة خداده