مواعيد ايام قص الشعر للتكثيف ، هل فعلا يزيد كثافة شعرك Haircut
قصوا شعركم عشان تزيد كثافته
لابد مرت عليكم هذه الجملة اللي اهي قصوا شعركم عشان يكثف؟! ما صحة الموضوع هل فعلا قص الشعر يزيد كثافته ؟!الجواب : لا ، اذا القصد انه من المنابت والجذور بيكثف او يزيد، لكن شكلياً نعم يبين كثيف ليش يابنات؟! لان الشي اللي خلاكم تقصون شعركم انه فيه شعر تالف من الاسفل وخفيف فبالتالي لما تزيلون الشعر التالف بالقص راح يضل بس الشعر الصحي اللي ما يشكي من شي لهذا السبب بتحسون انه صار كثيف لانكم بالنهاية قاعدين تشوفون بعد القص فقط الشعر الغير متقصف والحلو والصحي لكن القص بحد ذاته ولوحده ما قاعد يزيد انبات الشعر من منابت الشعر او الجذور او يكثفه.
نقطة صحية في قص الشعر التالف
بس ها وفي نقطة صحية بقص الشعر وخاصة التالف منه شنو اهيا ؟! انه بعد القص راح تحسون النفسية مرتاحة وهالشي راح يحسن من تأثر الشعر بالتساقط اللي يكون لاسباب نفسية وقلق وفي شي ثاني لما تقصون شعركم راح تحسون انه مافي داعي للسشوار و الستريتنر بشكل متكرر وخاصة اذا كان الشعر قصير بعد القص وبالاضافة عند البعض يبدون يهتمون بالشعر اكثر واكثر فهذا يخلي الشعر يبتدي يتحسن للأحلى يا حلوات.اما اللي يزيد من كثافة الشعر من المنابت هو معرفة اسباب التساقط نقص فيتامينات او سبب هرموني او وراثي او قشرة الفروة وغيرها من الامور وعلاجها بوصفات مثل الماسك الاخضر لتكثيف الشعر، لكن القص ما يقوم بهالشي لكنه يزيل الشعر المتقصف اللي مضايقكم فنفسيتكم تصير احسن.
اتمنى يكون الشرح واضح وانكم استفدتوا.
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق