افضل حل لفراغات الشعر (كثافه) ، د. جنة خداده
الحل مع فراغات الشعر 😔😔 ؟!؟!؟!؟!
فراغات الشعر : مشكلة تبدي تظهر للاشخاص اللي عندهم تساقط شعر و اهملوا علاجه فتزيد الفراغات او اشخاص بدت طبيعة شعرهم تخف من غير حتى لا يصير تساقط شلون ؟! يعني طبيعة الشعر و سمكه يصير حيل خفيف و ليس سميك فتقل كثافته حتى لو ما شفتوا شعركم يتساقط و تبتدي الفراغات تظهر طيب و الحل مع هذي المشكلة ؟!؟!؟!؟!
الحل بكل بساطة ؟! عدم اهمالها من تبدي عندكم ✅✅✅✅
من تبدي لازم تراجعون طبيب يحدد سبب المشكلة يعني في اسباب مختلفة و معرفة السبب تساعدنا في العلاج بشكل كبير .
اذا كان تساقط واضح و البنت او الشاب يشوفون الشعر بكل مكان لازم نسوي فحوصات التساقط و هي مخزون الحديد و الزنك و فيتامين دال و الغدة الدرقية و نصلح اي خلل فيهم او نقص و بعدها في علاجات مساندة تساعد كثير من الاسخاص بالتساقط فيتامينات الشعر اللي تكون تركيبتها ممتازة يعني مو اي فيتامينات قد تساعدكم و لا كلها مفيدة
بالاضافة الى جلسات حق ابر بلازما الدم و النتيجة غالبا بعد رابع جلسة يصير في تحسن عند البعض و ارد و اقول مو الكل لانه الاستجابه تختلف من شخص لاخر و في امبولات تساقط و العلاجات الموضية و الشامبو المفيد اللي يحافظ عالشعر من التساقط كل هذي الاشياء مفيدة مع بعضها البعض ككل و مساندة بمشكلة التساقط العادي
بس في نوع من التساقط يصير من مقدمة الشعر و الفراغات تصير واضحة او في اعلى قمة الراس بمنطقة التاج نسميها ترى اسبابها في غالب الاوقات هرمونية و وراثية يعني عند البنات اما وراثية او بسبب تكيس المبايض و عند الرجال وراثية غالبا بس هل العلاجات تصير مثل العلاجات اللي ذكرناها فوق ؟!
لازم نسوي فحوصات بكلا الحالتين بس اهني المشكلة دام فيها عوامل وراثية و هرمونية لازم لازم نبدي على بخاخات المنكسوديل ضروري جدا و الاستمرار عليها و عدم قطعها فجأة ووايد راح تستفيدون سواء بنات او شباب لانه يحد من التساقط و يساعد على انبات الشعر
بس لازم نعرف ان في بعض الحالات التساقط يكون فيها قوي و مايفيد معاه جميع العلاجات اللي ذكرناها و خاصة اذا لعامل الوراثة دور قوي فيها و تنتهي بحاجتها لعملية زراعة شعر اللي الطب تطور فيها و نسبة نجاحها كبيرة .
الخلاصة لاي سبب من اسباب التساقط يجب عمل فحوصات و علاج اي خلل في فحوصات التساقط اما اذا في عمرامل وراثية و هرمونية لازم نبدي علاج بخاخ المنكسوديل الموضعي و الالتزام فيه عشان يخف التساقط 💎💎💎💎💎💎💎💎
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق