و ان شاء الله اي احد بيستخدمهم و بيفيدونه لا ينساني بدعوه حلوه 🙈🙈 سعيده بأول تغطية لي خارج الكويت لدول الخليج كانت من دبي وتحديدا دبي مول تغطية لبراند IZIL الرائعة بدى البراند من خمس سنوات و  سمعت عنه من سنتين و حلو الانسان يتكلم  بكل مصداقية عن اشياء حلوه و يعرفها و تستحق التجربه .

تنعرف هالبراند بكثير اشياء منها الزيوت الصافية الطبيعية للشعر كالارقان و شي مالقيته لحد الان عند غيرهم و هو زيت التين الشوكي المستخلص من العصر البارد لبذور الصبار مفيد سواء للبشرة او الشعر عندهم حناء و شغلات كثيرة عضوية صافية 

التوب عندي هالصنفرة للجسم لاني ما استخدم اي صنفرات و ماحب الخشنه لانها تضر اكثر ماتنفع بس هذي فيها شاي اخضر و فيها زيت الارقان الطبيعي و فيها الصبار و تنفع لجميع مناطق الجسم حتى اللي فيها تصبغات بما فيهم المناطق الحساسة مافيها اي مواد حافظة آمنة حيل بنات .

الافضل مبيعا عندهم للبشرة و الشعر صعب تلاقون مثل هالزيت صافي و نقي و من عصر بارد لبذور الصبار بس عندهم متوفر و فوايده بصراحة كثيرة بحط بعضها للشعر بعيد عن الجذور ينفع حتى للبنات الصغار يعطي لمعة و قوة و يفك التشابك و للبشرة نقطتين منه لها فوايد عده منها الشد و مقاومة التجاعيد و تعطي مامس مثل الحرير بس افضله للشعر حيل 😍

عاد هالشي اللي متابعيني بسناب يدرون عن فوايده من كثرما اتكلم عنه بنات بقطنه صغيره شوي منه قبل منتجات العناية او بعد ازالة المكياج يزيل السموم و الاوصاخ المتراكمة و يخلي البشرة تتنفس راح تحبونه حيل .