الميزوفاونديشن جريمة في حق البشرة ، د جنه خداده
❌❌❌❌ الميزوفاونديشين جريمة في حق البشرة 😰😰😰😰:
.
.
قبل اي شي في حكم اني طبيبة يجب اني اوعي الناس و اوجهم توجيه الصح و اكون معاهم صادقة بالاشياء اللي تنفعهم او الاشياء اللي قد تنفعهم او ما تنفعهم و الاشياء الخطيرة و المضرة على البشرة ننهي عنها و اتمنى محد ياخذ الموضوع بحساسية خاصة الناس اللي تسوي هالشي من ضمن خدمات عياداتها او الناس اللي تعلن عن هالعيادات اللي تسويه و تنصح فيه من خلال اعلانها للعيادات لانه هالشي مضر
و لازم مو بس الناس تعرف حتى اهما لانه خلنا نعتبر انهم ما يدرون او اللي قاعدين يطبقونه عالناس غير اطباء او من غير ذوي الاختصاص و قاعدين يسونه بجهل فخل نحسن النية .
الميزو فكرته ان مجموعة فيتامينات يا اما تحقن بالوجه او بمناطق الجسم او لتغذية الشعر و هذي انواع و شركات انتاجها مختلفة و في ناس تستفيد منها و ناس لا و موضدها بالعكس
و لكن الطامة الكبرى 😰😰 هو ما انتشر في الاونة الاخيرة و اسمه ميزوفاونديشين يعني القصد ان مو بس فيتامينات و لكن مع فاونديشين لون و في منه الوان و يصير عن طريق ادخالها بابر الديرمابن للجلد و هذي احذر منها تحذير شديد لا تسونها
و الرجاء كل الرجاء من اخواني و اخوواتي بالسوشيال ميديا المؤثرين عدم التسويق لها لانه لم يثبت لها اي نفع و بالعكس فحقن لون فاونديشين داخل الجلد مضر جدا يا بنات و يا شباب و المنطق قبل الطب يقول جذي هل معقوله نحقن مواد مضرة داخل الجلد و ندخل فاونديشين بالابر 💉💉
قد يسبب هالشي تورمات تحت الجلد و رد فعل عكسي و تحسس من هالمواد الكيميائية غير انها قد تسبب احمرار و تصبغات مختلفة و اكزيما و ارتيكاريا و غيرها كثير لو بنعددها ماراح نخلص ..
الخلاصة:
لا تسون شي اسمه ميزوفاونديشين لانه حقن الفاونديشين داخل الجلد غير منطقي و جريمة في حقن البشرة و لحد يسوق له الله يخليكم و لو احد تكلم عنه و نصح الناس عن جهل منه و بمضاره عالبشرة لا يتكلم عنه خلاص و لازم تعرفون الديرمابن احنا معاها و الميزو لوحده سواء للشعر و البشرة مو ضده لكن احنا كاطباء ضد الشي التجاري المضر كالميزو المخلوط بلون فاونديشن او ما يسمى بالميزوفاونديشين لذلك اقتضى التنويه و اتمنى الموضوع فادكم 💎💎💎💎💎💎💎💎
.
.
منشنوا البنات اللي تعرفونهم و كانوا ناوين يسون الميزوفاونديشن خل تعم الفايدة 💎💎💎💎💎💎💎💎
.
.
د.جوووووج
قد يهمك أيضا
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق