نصيحتي لكل من يستخدم السدر للشعر ، د جنه خداده
استخدام السدر للشعر 💆🏻♀️💆🏻♀️💆🏻♀️💆🏻♀️:
.
مازال في بنات لي اليوم يستخدمون السدر لذلك هذا البوست لبعض النصايح و ليس لمنعهم من وضعه على شعرهم اذا اهما مرتاحين له يعني ماراح ندخل في موضوع مفيد او مو مفيد لكن راح اعطي نصايح للبنات اللي مازالت تحبه و تستخدمه
و هي نقطتين اساسيتين لان السدر معروف ان يسبب جفاف للشعر ساعات يكون شديد عند بعض البنات :
١- اليوم اللي تحطين فيه السدر و تغسلينه لا تنسين بلسم الشعر بعد الشامبو على كامل الشعر بعيد عن الجذور و النقطة المهمة لا تسشورون شعركم نصيحة لانه راح يتقطع او يتنتف او حتى يحترق لان السشوار ياخذ رطوبة الشعر فمابالج اذا السدر ينشف فما انصح بنفس اليوم .
٢- النقطة هذي متعلقة بالنقطة اللي قبلها و هو بعد وضع السدر بيوم اي اليوم اللي بعده سوي حمام زيت للشعر الزيت اللي ترتاحين منه عشان يترطب الشعر و خليه لمدة ساعتين بعيد عن الجذور و بعدها غسلي و تقدرين تسوين بعدها لو حبيتي سشوار
اما ليش ما قلت من اول شي السدر ينخلط مع زيت لان في بنات يحطون السدر عالجذور فاذا كان في زيت وايد بزيادة بالخلطة مالت السدر راح تضر الجذور و خاصة اذا كان في دعك و تدليك للفروة .
ملاحظة :
نفس مافي سيرومات للوجه في سيرومات للشعر لذلك ترطيب الشعر مهم و خاصة للي تستخدم خلطات تنشف الشعر و السيرومات هذي ما تنحط عالجذور تنحط على كامل الشعر فراح تعطي الشعر ترطيب و تجنبين جفاف الشعر و تلف الشعرو خاصة عند تعرضه للحرارة يعني ما يصير ماسكات تنشف و بعدها مباشرة حرارة لازم ترطيب .
انشالله نخصص بوستات امثله عن سيرومات الشعر المفيدة لترطيبه و تغذيته اذا حابين 😍😍😍😍
✋🏼✋🏼✋🏼✋🏼
.
.
اتمنى المواضيع حتى لو بسيطة تكون مفيدة لكم 😘😘😘😘😘😘😘😘
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق