الخلطة الثلاثية للتفتيح و توحيد لون البشره ، د. جنة خداده
الخلطة الثلاثية للتفتيح و توحيد لون البشره
ماهي الخلطة الثلاثية :
هي عبارة عن ثلاث كريمات كلها متوفره بالمراكز الصحية لدى اقسام الجلدية بالمجاننخلط بكل مره بنستخدمها شوي من كل كريم و الكريمات اهي
١- مفتح او مبيض مثل هاي كوين ٤٪ او ساعات ينكتب عليه الدوكوينون ٤٪ نفس الشي اثنينهم
٢- ديفيرين كريم و ليس الجل لانه الكريم اخف عالبشره بهالخلطه يعني الخلطه فيها مقشر
٣- كريم الالفاكورت او ينكتب عليه الهايدروكورت نفس الشي اثنينهم بس على حسب المتوفر بس قاعده اكتب لكم المسميات الدارجه بس التركيبه لهم وحده 😍😍😍😍
لأي غرض تستخدم ؟!؟!؟!؟!
لتفتيح و توحيد لون البشره و للتصبغات و الكلف و اثار حب الشباب .
الاماكن اللي تستخدم لها الخلطه الثلاثيه :
الوجه ممتازه بس بعيدا عن محيط العين و حوالين الفم و اي منطقه بالجسم ماعدا المناطق الحساسه لا تستخدم لها اما بالنسبه للمفاصل الركب و الاكواع زينه بس مو نفس الوجه لانه عند البعض قد تسبب نتايج عكسيه .
طريقة استخدامها :
نغسل الايد عدل و المنطقه اللي بحط عليها الخلطه بعدها نخلط نقطه بسيطه من كل كريم بوقت الاستخدام و ما يصير نخلط كميه كبيره من كل الكريمات و نخزنها و نستخدمها خطأ جذي و طبعا لانه فيها مقشر فتستخدم مره ليلا عالمنطقه المراد تفتيحها و تصفيتها و بأول ايام عشان تعتاد البشره نحطها ساعات و اذا حسينا بحرقه ممكن نشيلها او نغسل المنطقهو مع الوقت راح تقدرون تنامون فيها يعني بأول اسبوع يفضل كل يومين او حتى كل ثلاث ايام نستخدمها و مع الوقت استخدامها يصير يومي لمدة ٣-٤ اشهر بعدها نوقفها تدريجيا اخر شهر قبل لا نقطعها و ناخذ راحه منها عالاقل شهرين و ممكن نرد عليها مره ثانيه بس مايصير نستمر عليها مده طويله دون انقطاع لانه لها اضرار جانبيه من كثره استخدامها .
ممنوع استخدامها :
للحامل و المرضع لانه فيها ديفيرين و لاحظوا ليش دايما قبل اتكلم عن السكين اورين مو لانه احسن من هالخلطه كفعاليه لانه في ناس كثير تفيدهم هالخلطه بشكل رهيب و ممتاز بس دايما نبتدي بالشي الاسهل يعني السكين اورين ما يحتاج خلط اهو كريم واحد ثانيا اخف من المقشرات الثانيه ثالثا عادي للحامل و المرضع و رابعا يستخدم لاي منطقه بالجسم من ضمنها المنطقه الحساسه بس اللي ما فادهم السكين اورين لانه اخف مقشر عالبشره ينتقلون الى الخلطه الثلاثيه بس بالشروط اللي قلتها و للاماكن اللي تصلح لها
أتمنى ما اكون نسيت شي و انه الموضوع فتدكم و الحين منشنوا اللي يبون بشره صافيه 😍😍😍😍😍😍😍😍 .
.
د.جوووووج
------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق