Epiduo gel ابيدو جل فوائده واستخداماته - دكتورة جنة
جل ال Epiduo يخلصكم من الحبوب بيوم او يومين
اولا : جل الابيديو متوفر بالمراكز الصحيه لدى اقسام الجلديه بالمجان ثانيا : استخدامه مو بس عالحبوب اللي تطلع فجأه و نبي نتخلص منها يعني له وايد فوايد منها الرؤوس البيضه و السودة و علاج موضعي لحب الشباب و ينحط على اماكن وايد غير عن الوجه
بس بهالبوست بحط بس عن الحبه او الجم حبه اللي تطلع و احنا ماعندنا حب شباب و نبي نتخلص منها
ثالثا :
اهوا الاهم الحبوب اذا كانت كبيرة حيل ماراح ينفع معاها دهان او جل موضعي و تحتاج حقن بالكورتزون بالعياده
رابعا:
مع انه جل ممتاز في اشخاص يستخدمونه و ما تتقلص الحبوب عندهم بس هالفئة قليله بس قلت هم لازم اقول و اشرح من جميع النواحي 😍😍😍😍
الحين الحبه النحيسه اللي تطلع فجأه :
تتسلط تطلع و احنا ماعندنا حب شباب او مافي حبوب منتشره كلها حبه وحده فاجأتنا و اطلعت و نبي نتخلص منها فيعتبر الابيديو جل من الخيارات الممتازه
ماهي تركيبته ؟!؟!؟!؟!
على فكرة جزء منه ديفيرين و جزء منه بينزول بيروكسايد و هي مركبات فعاله في القضاء و ازالة الحبوب و تنشيفها .. .
طريقة استخدامه ؟!؟!؟!؟!
لهذا الغرض يستخدم من ٤-٦ مرات باليوم عالحبه اللي تطلع بس لازم تنظفون المنطقه اللي بتحطون عليها الجل و تحطونه افضل عن طريق طرف قطنه عشان لا تلتهب الحبوب و تتفاقم المشكله بس او ايدكم تكون نظيفه عدل قبل لا تحطون عن طريقها بس افضل بقطنه و نقطه تغطي الحبه بطبقه
و لازم تعرفون في منهم الحبه تخف خلال اقل من ٢٤ ساعه و اليوم اللي بعده مافي شي الا اثر بسيط لها لانه ما يعالج الاثر بس يخلصكم من الحبوب و في منهم ياخذ معاهم العلاج يومين او ثلاث بالكثير
و لازم تعرفون ترى جدا طبيعي بعد ماتحطون الجل يصير احمرار او حكه عالحبه او المنطقه المحيطه فيها فلا تحاتون .
طبعا الديفيرين اللي بالابيديو جل اخف كمقشر من الاكرتين اللي هم عادي ينحط عالحبوب بس ترى اقوى و مو اي بشرات تتحمله لانه جدا قوى كمقشر عن نفسي احبه و احطه عالحبوب بس ارد و اكرر له طريقه و بشرات خاصه تتحمله فمو الكل يقدر عليه فكبدايه خلكم عالابيديو 😍
غير امن للمرضع و الحامل .
طريقة استخدامه على المشكلة ؟ ! ؟ !
اولا - اذا للحبوب اللي تطلع فجأة يستخدم من 4-6 مرات باليوم عالحبه اللي تطلع بس لازم تنظفون المنطقه اللي بتحطون عليها الجل و لازم تعرفون ان في اللي تخف خلال أقل من ۲٤ ساعه و في منهم ياخذ معاهم العلاج يومين او ثلاث بالكثير و لازم تعرفوون تری جدا طبيعي بعد ماتحطون الجل يصير احمرار او حکه عالحبه او المنطقه المحيطه فيها فلا تحاتون
ثانيا - و اذا الحبوب كثيرة ومن زمان هالمشكلة أوكانت مشكلة . خب شباب فينحط من الجل على منطقة الحبوب ليلا قبل النوم و يغسل الوجه صباحا وماننسي كريمات الحماية من الشمس بفترة استخدامه
ملاحظة :
المدة المشكلة حب الشباب تحدد كل واحد على حسب حالته
اتمنى الموضوع يكون مفيد لانه وايد اسألوني عن هالجل فحطيته عشانكم
😍😍😍😍😍😍😍😍
..
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق