افضل علاج لتساقط الشعر ، د. جنة خداده
أهم شي بعلاج تساقط الشعر
بلا شك الخطوة الأولى من تبدي مشكلة التساقط هي عمل الفحوصات التالية :
١- مخزون الحديد ferritin
و لازم يكون فوق ال ٧٠ و لا لازم ترفعينه بأخذ حبوب لعلاج نقص الحديد و المخزون يختلف عن الهيموجلوبين لانه في بعض الحالات يكون طبيعي بس المخزون نازل لذلك يجب علاجه٢- فيتامين دال
اذا ناقص يحتاج علاجه ابر او حبوووووب و المعدل الطبيعي له 30 ng/mL او (100-200 nmol/l) على حسب الوحدة اللي يستخدمها المختبر٣- الغدة الدرقية
لانه خمولها يسبب تساقط بشكل فظيع بنات٤- الزنك .
طيب في فحوصات ثانيه مهمه خاصه للي مسوين تكميم و هي b12 لانه بعض الدراسات قالت يأثر نقصه على التساقط .
السؤال هل ممكن ابدى مكملات غذائية المقصود فيها فيتامينات الشعر من غير فحوصات ؟!؟!
يفضل تسوون اولا الفحوصات عشان الفيتامينات راح تعطيكم جرعة يومية بسيطه و انتو تكونون تحتاجون جرعة علاجيه لفقر الدم او نزول مخزون الحديد غير انه في فيتامينات وايد مافيها فيتامين دال يعني اذا نازل ماراح تعالجها فيتامينات الشعر .. عرفتوا ليش الحين مهمة الفحوصات حقكم .العلاجات المساندة للتساقط الاتية :
١- فيتامينات الشعر الجيدة اللي فيها اهم العناصر للشعر
٢- حق بلازما الدم بفروة الراس قد يستفيد منها البعض و ليش الكل
٣- اذا السبب وراثي او هرموني فبخاخات المنكسوديل ممتازة سواء للرجال او النساء
٤- العلاجات الموضعية من مجموعة امبولات او شامبوات مفعولها عند البعض إلى حد ما جيد بس اذا ما التزم بالاهم و هو تعويض اي نقص بفيتامينات الجسم ماراح يحس بفايدتها أبدا .
أتمنى ان غطيت لكم الموضوع مال التساقط بشكل شامل و بينت المهم بالعلاجات من الاكثر اهمية للأقل أهمية عشان تبلشون صح في علاج المشكلة من تبدي عندكم .
اخر شي دايما اقوله تذكروا ان الارض اذا مو خصبة مهما سقيتيها ما تنبت و بالضبط فروة الراس اذا ما اعتنيتي فيها من الداخل ماراح تطلع شعر لو مهما حطيتي عليها يعني بالعلاج الفحص مهم لتعويض الناقص 😍👩🏻⚕️😍👩🏻⚕️ .
.
د.جوووووج
--------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق