نصيحتي لكم عن مبيض بي اف بي فانيش pfb Vanish الفانيش
مبيض بي اف بي فانيش pfb Vanish
مقشر فانيش الاصلي
لانتشار هذا المبيض بشكل كبير في السوشيال ميديا و لكثرة الاستفسارات عليه قررت اخصص له موضوع و اتكلم بكل شفافية و الكلام هذا راح يصير مو مدح للمنتج او ذم و لكن ليش مو ذم لان في البعض البنات لما سالت سؤال الخميس قالوا ان فادهم و بنات قالوا ما سوى اي تغيير يذكر و هالشي خلاني افكر شوي و ما اتسرع بالحكم و اما ليش مو مدح لان في بنات لقت نتايج عكسيه و اسودت المناطق عندها بزياده مع ان فيه منتجات تعطي اقوى تفتيح وتبييض بدون نتائج عكسية او اعراض جانبية و لكن انيي حق النقطه المهمه ليش عن نفسي ما تكلمت عن هالمنتج بصفحتي ؟!
.jfif)
طريقة استخدام مقشر فانيش
١- اللي ماشجعني عليه ان مافي اي زميل دكتور مدح هالمنتج بل عالعكس في دكتور معروف بالجلدية عرض فيديو يوضح حالة صار فيها سواد داكن في مفاصل القدم بعد استخدام هالمنتج و هي من الحالات العكسية اللي توثقت و حطيتها ببالي و ما نسيتها و قلت قد تكون احد الحلات العكسية اللي قد تحدث من استخدام المقشرات بسبب استخدام كميات كبيرة من غير ترطيب و قد تكون بشرتها حساسة و لكن بنفس الوقت هالشي جرني حق التساؤل اللي بعده .
مقشر فانيش النهدي
٢- فانش كمنتج تقشيري هو عبارة عن اكثر من مقشر بمنتج واحد و المقشرات هي التالية Salicylic Acid, Glycolic Acid, Lactic Acid فاذاعرفت تراكيزها و عرفت عنه اكثر راح اعرف التوجه راح يصير وين !!
بس للامانه ماعرفنا نسبة هالتراكيز و هل في مواد غيرها .
تجارب مقشر فانيش
٣- النقطة الاخيره ان ماشفت هالمنتج بالصيدليات عندنا عالاقل بالصيدليات اللي اروحها و هالشي خلاني كذلك اتجنب مدح او ذم المنتج مع العلم مو شرط المنتج يكون بالصيدليات عشان يكون زين و فعال و مو شرط العكس بس لان تركيباته علاجية و فيها مقشرات كثيرة و لما يصير جذي اطلب من اصحاب اي منتج نسبة المقشرات سواء كان ينباع بالصيدليات او عالاونلاين و قمت اقول حق نفسي و اتساءل 🧐🧐
لما يكون عندك ضغط او سكر من وين تاخذ دواك ؟!
هل من البقالة او السوبرماركت .. طبعا لا و بتاخذه من الصيدليات بتوصية من طبيبك .. انيي حق فانش اهوا مو لاين تجميل و اهتمام للبشرة و بس فيه هايلورونيك اسيد او فيتامين سي او مواد طبيعية للتفتيح لكن اهوا شي يعالج التصبغات و لاحظوا اللي يعالج يعني دشينا بلاين علاجي نوعا ماو تركيبته تحتم يكون واضح فليش فانيش ما لقيته عن نفسي بأي صيدلية خاصة او حكومية عالاقل عندنا بديرتنا ؟!
ملاحظة:
اقصد بصيدليات الكويت وهل هو موجود او يصرف من اطباء بدول العالم كامريكا بما انها البلدالمنتج او الدول الاوروبية ؟!قد يهمك أيضا
افضل ماسك لازالة تصبغات الوجه والبقع البنية
خلطة تبييض الوجه وتفتيح التصبغات بدون كورتيزون آمن للحامل والمرضع
أسباب التصبغات الجلدية وطرق علاجها لجميع انواع البشرة
اقوى تفتيح وتبييض بدون نتائج عكسية او اعراض جانبية
.jfif)
