طريقتي في استخدام السكين اورين + الديفيرين مع بعض - د جنة خداده
طريقتي في ✅✅
استخدام السكين اورين + الديفيرين مع بعض 💪🏼😍:
قبل اي شي ركزوا بالنقاط عدل بنات عشان تعرفون منو تستفيد من هالطريقة و استخدام الكريمات بطريقة صح و بأحلى النتايج 😍😍✅✅
اول مابديت استخدم الكريمات كنت استخدم فقط السكين اورين لان المشكلة اللي كنت اعاني منها التصبغات و اثار الحبوب اللي تطلع بين فتره و فتره فضليت عليها يوميا لين ماراحت الاثار بالكامل لله المنه و الفضل بعدها عرفت الديفيرين و فوايده و عديت عمر 25 فقلت ضروري ادخله بروتيني و بما ان هو مقشر و السكين اورين مقشر كانت الطريقة كالتالي عشان اعادل باستخدامهم و اقدر استخدمهم حتى اكثر من ثلاث اسهر متواصله بنات 😍😍😍😍: .
1️⃣ قمت استخدم السكين اورين ٤ ايام بالاسبوع بليل على كامل الوجه و الرقبه و استخدم نقطه منه فقط و بعيد عن حوالين العين عشان احافظ على نتيجة اللي اهي ان ماصار في تصبغات ببشرتي نفس قبل و خفت و عشان اذا طلعت لي جم حبه بين فتره و فتره ما تترك اثر بما اني قاعده استخدمه لان المهم اللي لازم تعرفونه ان السكين اورين مقشر متخصص في توحيد اللون اكثر شي و ازالة التصبغات .
2️⃣ ليش دخلت الديفيرين و ليش بدال ماضل على استخدامه يوميا خليت استخدامي بس ثلاث مرات بالاسبوع لاني بغطي الايام من الاسبوع اللي ما حط فيها السكين اورين بالديفيرين و شفت ان قليل دائم خير من كثير منقطع 😌😉😍😍 و ليش دخلت الديفيرين و ما اكتفيت بالسكين اورين كمقشر يومي لان اهوا مقشر روعه لتوحيد لون البشرة بس ما له اي علاقة بشد التجاعيد البسيطة و اللي يقوم بهالدور هو الديفيرين البطل 💪🏼💪🏼 ليش دكتوره؟!
لان الديفيرين هو مقشر من مشتقات فيتامين A فيقشر البشرة بشكل ممتاز بالاضافة ان يشتغل على الخطوط و التجاعيد فيحافظ على البشرة .
طريقتي باختصار فادتني :
- لاني استخدم مقشرات ذات فايده منوعه السكين اورين اربع مرات بالاسبوع لتوحيد لون بشرتي + الديفيرين ثلاث مرات بالاسبوع للمحافظة على شباب بشرتي .
- بين فتره و اخرى اقدر استبدل السكين اورين بمقشرات مختلفه و لكن الديفيرين البدايل ضروري احرص يكون فيها فيتامين A لان نتايجها روعة على المحافظة على شباب البشره .
- ببوستات سابقه تلاقون اي شي بخصوص السكين اورين و الديفيرين على حده بالتفصيل و تعليمات الاستخدام و التوصيات عشان الاستخدام بأمان😘😘
- للامانه هذي طريقتي من سنين و امنه و ماهيجت بشرتي لان فيها اعتدال و فيها قدرت اغطي اهم مشاكل البشرة و لكن قد تناسب الكثيرين و ماتناسب البعض حتى لو كانوا اقليّه و لكن بالبيت الواحد قد يكون في بشرات مختلفة فما بالكم البنات بشكل عام
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق