ايهما افضل النظارات الشمسيه الكبيرة ام الصغيرة - د جنة خداده
النظارات الشمسية الكبيرة تفوز
😂😂✅✅😌😌🤓🤓: .
عشان اوضح لكم نقطة الموضوع مو عن شكل النظارة و الاحلى لانه في نظارات صغيرة حلوة و في نظارة كبيرة حلوة بالنهاية لكن القصد لو بنقارن ايهما افضل ؟!
راح اقول لكم النظارة اللي تغطي اكبر مساحة من منطقة العين و حوالين العين 👍🏻
احنا نبي الفايدة من النظارة و شالفايدة اذا حلوة و في نظارات هابين فيها حتى العين نفسها ماتغطيها عن الشمس مو بس منطقة حوالين العين فهذي تعتبر اكسسوار للامانة لا اكثر و لا اقل و ما منها اي فايدة لا للعين و لا لمنطقة حوالين العين و لا حتى بؤبؤ العين والله لانه في منها حتى بؤبؤ العين ما تغطي 😢💔
اما النظارة الشمسية الكبيرة 😎✅
راح تغطي العين و تغطي منطقة حوالين العين و هي اكثر منطقة معرضة للجفاف و التصبغات من الشمس و اكثر منطقة معرضة لسرعة ظهور التجاعيد فيها و النظارة اللي ماتغطي عدل العين عالاقل و تكون صغيرة راح تخليكم و انتو طالعين دايما في حركة تسوونها و هي تسكير العين او تضيقها لمحاولة تجنب الشمس بطريقة العبوسو هذا يخلي المشكلة اكبر مع الوقت و تبدي الخطوط التعبيرية بالظهور حتى في عمر مبكر من غير ماتحسون و ترى كل شي له اثاره اللي ماتحسون فيها بيوم و ليلة و لكن على المدى البعيد .
الخلاصة :
ان النظارات الكبيرة افضل لانها تحمي العين و البشرة حوالين العين من الشمس و اشعتها الضارة فاذا كنتوا محتارين بين نظارة صغيرة و ستايلها حلو و نظارة كبيرة و ستايلها حلو فالكبيرة اكيد تفوز و افضل 😍😍✅✅
و الخيار بالنهاية لكم هذي مجرد نصيحة .
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق