موتوني وانا على قيد الحياة واقفه قدامهم, الله يسامحهم دكتوره جنه خداده
ماعليه ماتعودتوا مني الا الطاقه الايجابيه بس هذي قصتي اللي خلتني يضيق خلقي وو اغيب عن سناب طول اليوم و اكتشفتها اليوم مع اني كنت حييل متحمسه و مبسوطه و قاعده انظم اوراقي و ناويه اسويلكم مواضيع حلوه بس الله المستعان و اللي قصدته الجمع بين الخاص و العام اللي اهوا الوظيفة الحكوميه بس من مثر ماضاق خلقي طول اليوم ماني عارفه حتى اتكلم الخطأ وارد بس مو حذي الله يصلح الحال 🙏🏼🙏🏼🙏🏼🙏🏼
ببساطه ورقه تطلع من وزاره و مهمه جدا لانهاء الخدمه عشان الطبيب يقدر يشتغل بشغله بقطاع اخر و ينكتب فيها سبب انهاء الخدمه : الوفاه ؟!
و انا حيه ارزق و على قد الحياة و توني اكتشف هالخطأ اثناء اخذي لنسخ من هالورقه و بلغت اهلي ان في خطأ بس للامانه يحدث خطأ بس مثل هذا و انا جدامكم و قاعده اراجعكم بنفسي حتى مندوب ماحطيت و عشر ايام رايحه و راده معاكم و بالي طويل و اعذركم على اي شي بس ان ينكتب مثل هالشي بالغلط ماحبيت هالشي تفاولون علي 😔😢
بسبب خطأ كتابي مطبعي المفروض حتى لو ببيانات الاسم قلنا ميخالف او حرف غلط قلنا ميخالف او رقم الملف قلنا مو مشكلة بس اوقف جدامكم و تحطين سبب نهاية الخدمة الوفاة الله يسامحكم بس الرجاء الانتباه مو بس لانه هالشي يسبب ضيقه للشخص المعني و اهله و لكن حتى ما يترتب عليه من مشاكل من اوراق رسميه و اجراءات و لا حول و لا قوة الا بالله العلي العظيم و الله يسامحكم 🙏🏼🙏🏼🙏🏼🙏🏼
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق