ثلاجة المنتجات - هل هي ضرورية لمنتجات العنايه بالبشره أم لا - د جنة خداده
ثلاجة المنتجات 🤓🤓الهبه 🤓🤓
في ظل الهبه الجديده و هي ثلاجة صغيرة لحفظ المنتجات و العصاير و غيرها من الامور سميت بثلاجة المنتجات لانه الغالبية من البنات استخدمها لهذا الغرض فجتني تساؤلات حلوه و بمحلها دكتورة نتحتاجها او لا ؟!
بالنسبه لهالشي لازم اتعرفون ان في منتجات تتخزن عادي جدا على درجة حرارة الغرفه حتى بعد فتحها و لكن بشروط بذكرها لكم تحت و لكن في منتجات تحتاج درجة حرارة ابرد كالثلاجة و ليست مقصورة على هذي الثلاجة الصغيرة و لكن أي ثلاجة عندكم بالدور نفسه او بالغرفة عندكم تقدرون تخلون رف منها لحفظ بعض المنتجات و الحين انيي حق نقاط الشرح لانواع المنتجات و درجة حرارة الغرفة اللي تناسبها ؟!
١- بشكل عام اي منتجات بشرة او سيرومات بعد فتحها اذا لم يكتب عليها تحفظ بالثلاجة لا داعي للثلاجة بتاتاً و لكن بشرط تكون الغرفة مكيفة و درجة الحرارة فيها ما تتعدى ال ٢٥ درجة و هذا حال اغلب الغرف في فترة الصيف فعادي نخلي درج لهم .
٢- كريمات الرتن A [المقشرات ] و سيروم فيتامين سي لان حساس و قابل للتأكسد بسرعة اذا ما كانت الغرفة مكيفة و ماكانت درجة حرارتها اقل من ٢٥ و رف المنتجات كان موضوع في وجه مضرب الشمس او بالقرب من النافذة فيفضل حفظه بالثلاجة و لكن اذا كانت الغرفة مكيفة و في درج مخصص لحفظها فعادي تنحفظ بدرجة حرارة هذي الغرفة ✅✅
٣- الماسكات اللي قوامها مائي حلو انحطها بالثلاجة لان عند استخدامها باردة بتعطينا انتعاش و مو عشان اي شي اخر و كذلك سيرومات المرطبة حوالين العين عشان شعور الانتعاش نقدر نحطها بالثلاجة و لكن يمنع حفظ ماسكات الطين ❌❌بالثلاجة لانه راح يصير قوامها صخر و تتلف و ما راح تقدرين تستخدمينها و يفضل تنحفظ بالغرفة المكيفة بدرجة حرارة الغرفة عادي و ليس بالثلاجة فيعني مو كل الماسكات نستخدم الثلاجة لها
٤- السيرومات اللي يدخل بتركيبتها زيت و قوامها يصير مائل الى سيروم زيتي كثير منها يتلف اذا وضع بالثلاجة و يصير عقب فترة طبقات و تنفصل مكونات السيروم كأنها كوكتيل فما يفضل وضعها بالثلاجة و الغرفة المكيفة افضل لهم و اما بقية السيرومات فعادي بدرجة حرارة الغرفة المكيفة او بالثلاجة ماتفرق وايد بنات
الخلاصة :
فالقاعدة الاساسية تقول اذا كانت الغرفة مكيفة و باردة و درجة حرارتها ما تتعدى ال ٢٥ درجة و هذا حال اغلب الغرف بالصيف مع التكييف و في رف او درج لحفظها بعيد عن مضرب الشمس فنقدر نحفظها مرتاحيين 😍😍😍😍بدرجة حرارة الغرفة من غير الثلاجة الا ما يكتب عليهم تحفظ بالثلاجة بعد فتحها ✋🏼✋🏼✋🏼✋🏼
.
.
اتمنى افيدكم لو بشي بسيط و اوصل المعلومة .
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق