صحيح احنا كدكاترة انعرف ان هالنوع من الخطوط صعبة بالعلاج وقد تحتاج جلسات بالليزر منها الفراكشينال او في بعض الحالات تحتاج عمليات جراحية لازالة الجلد الزايد اذا وجد، ولكن قلت لاني اساسا يوميا ارطب جسمي فخل استخدمه ولو مافادني بخطوط الجسم فماني خسرانه كمرطب حلو وريحته حلوه جدا وفعلا ظليت عليه بهذاك الوقت ما يقارب اربع اشهر وبصراحه النتيجه كانت ايجابية وحيل حبيتها لما صارت علامات التمدد البيضاء تختفي.  

ونقلت لكم تجربتي وتكلمت عنه وبصراحة صارت تمددات الجلد عندي شبه ما تبين الا لما احاول اركز حيل وادقق فيها وبصراحه شعور حلو بوقتها😹🙈لاني كنت بفترة خسارة وزن ومابي جسمي يتأثر😍.

هو منتج عناية ببشرة الجسم و ترطيبها و له عدة استخدامات بس نفعني للمشكلة اللي كانت عندي وهي  علامات التمدد بالجلد

بصراحة حلو للتمددات مو بس حق اللي يزيد بالوزن بشكل عام ولكن حتى اللي كتلة العضل والجسم تزيد عندهم مثل لاعبين كمال الاجسام يقدرون يستخدمونه لترطيب الجسم لان معرضين للتمددات وريحته حلوة.

وايد في منه احجام بس كنت دايما افضل اصغر حجم والحجم الوسط لاني اقدر اخذه معاي بالسفر.

اما عن اماكن توفره