منطقة الذقن المزدوجة لها حلول مختلفة لشدها وتختلف هذي الحلول من شخص لي اخر على حسب الحلد المترهل اكثر او الدهون هي السبب بس اكيد ان اللاصقات اللي شايفينها بالصورة او معروفة بماسكات شد اللغلوغ ال V ماسك و غيرها من مسميات قاعد يسوق لها بهالفترة بشكل كبير غير فعالة ومالها اي تأثير يذكر وليست احدى الحلول ومع اني متاأكدة من هالشي وصلت هالماسكات لي عندي و اطلعت على كذا نوع منها بس لزيادة تأكيد وأمانة غير فعالة .

١- الترهل الشديد افضل طريقة هي الشد جراحياً عن طريق عملية جراحية تجميلية والرجاء من عدم اعطاء امل لهذة الحالات ان في شي بيكون فعال واستغلالها عن نفسي الحالات اللي تحتاج جراحة على طول اقولها واصارحها ان تحتاج عملية وهذا تخصص الجراحة التجميلية ومفيدة جدا للحالات اللي يكون فيها الجلد المترهل واضح ويحتاج ازالة وبعدها شد والنتيجة تضل سنين طويلة ومرضية .

٢- اجهزة الشد بالعيادات تعتمد بشكل عام اما على شد الجلد او شد الجلد والتقليل من كمية الدهون وعلى فكرة مو كلها نتايجها ١٠٠٪؜ عند الكل بس في كثير ناس تستفيد منها وخاص اذا الدكتور استخدم المناسب ووظفها بطريقة مناسبة بس بقولكم اسماء اهمها وبشرح عنها بشكل بسيط :

تستخدم لحالات الترهل او التجاعيد البسيطة بالوجة والرقبة فتشد الجلد اكثر بس ما تعتمد على تقليل الدهون بالذقن المزدوج .. الألم متحمل بس فيها الم ويمكن تكرارها فقط بعد ٣-٦ اشهر من اول مرة والنتايج تبين مع الوقت .

تحتاج استمرار و جلسات اكثر من الهايفو  من ٦-٨ جلسات اقل شي خلال فترة ثلاث اشهر انا شخصيا سويتها وكانت في استفادة بالنسبة لي مرضية بس مو ١٠٠٪؜ بس لما نزلت وزني استفدت اكثر.. ميزتها غير مؤلمة وتعتمد على الشد وتقليل الدهون وتستخدم مو بس للوجه ومنطقة الذقن المزدوجة انما حتى حق بعض مناطق الجسم .. مافيها الم ولكن شعور بحرارة فقط .

- نجاح اي عملية او جهاز يعتمد  اعتماد كلي على مدى عملها جراحيا او توظيفها كأجهزة بطريقة صحيحة تناسب حالة الشخص - مهم جدا في حالات الوزن الزايد اعطاء فرصة للشخص لانزال الوزن

- ابر اذابة الدهون اللي تستخدم بالعيادات لوحدها لاتكفي

- الشد بالخيوط احدى التقنيات المتبعة ولكن لشد الجلد وماراح يفيد وايد اذا في دهون لين تروح الدهون ونتايجه تظل تقريبا سنه