الخلاصة في تفتيح الركب والأكواع دكتوره جنه خداده
كريم تفتيح الركب من الصيدلية
هوس التفتيح عن البنات ،. شنو السبب؟! بصراحة صار بهالوقت في هوس للتفتيح ولاحظت هالشي بكثير من الاستشارات اللي توصلني اللي بالاساس ماتحتاج لا خلطات او كريمات تفتيح قوية.
ولكن البنت تشعر ان منطقة الركب تحتاج تفتيح وبمجرد ما اقولها ان لونها طبيعي وما تحتاج تطمن وتستانس واعطيها بعض النصايح ، شنو سبب الهوس اللي صاير ؟! هل من التنمر او كثر مايقولون ام ركب سود !
او الخوف منه ولا هل البنت تبي تكون بصورة مثالية تماما وتظن ان لازم الكل يكون لون ركبته فاتحه او نفس لون الحسم بالضبط ؟!
تجارب تفتيح الركب
للعلم : منطقة الركب والاكواع هي منطقة معرضة للاحتكاك وبالتالي عادي وطبيعي عند كثيرين تكون بدرجة بسيطة اغمق من لون جسمنا والعناية فيها جدا بسيطة :
١- تنزيل الوزن الزايد اذا كان في سمنة او زيادة
٢- تجنب الاحتكاك بسطح خشن او صلب لمدة طويلة ودايما خل يكون في داعم ناعم للركب
٣- الترطيب للركب والاكواع ومو شرط يكون بمفتحات، لا مجرد ترطيب للمنطقة مرتين الى ثلاث مرات باليوم
٤- وضع واقي الشمس اذا كانت مكشوفه ومعرضة للشمس
٥- ارجوكم لا تاخذون منتجات تفتيح من الاونلاين ماتعرفون شنو تركيباتها ولا خلطات انستقرام تزيد الاسمرار عندكم 🙏🏼😔 وايد حالات يكون هالشي السبب فيها.
هذي اهم النقاط اذا منو يحتاج يفتح ؟!
اللي يكون عنده فرق واضح بلون هذي المناطق عن باقي الجسم او تكون احد لون الركبتين اغمق من الاخرى او وجود منطقة بالركب فيها تصبغات وفارقة عن باقي الركبة ولكم النصايح التالية ؛
١- لا يفضل استخدام الخلطة ثلاثية لان النتايج العكسية واردة و قد تزيد الاسمرار
٢- استخدام مرطبات تحتوي على اليوريا يوميا يساعد
٣- مقشرات فقط خفيفة كال سكينورين او احماض الفواكه ٥٪ كبداية مو اكثر
٤- مرطبات تحتوي على الساليسيليك قد تساعد
٥- الهيدروكوينون لوحده بنسبة ٢٪ قد يفتح وقد يزيد من الاسمرار فالنتايج الايجابية واردة ولكن بصدق لازم نقول حق المراجع ان النتايج العكسية كذلك واردة وكل واحد جسمه تختلف استجابته عن الثاني.
٦- مرطبات تحتوي على فيتامين سي قد تساعد في التصبغات الخفيفة
الخلاصة:
مو المل يحتاج ادوية او مقشرات للتفتيح لان عادي بالترطيب و شوية نصايح تستفيدون و كذلك المسج اللي ابيه يوصلكم مو اي وحده شوي فرقت لون ركبتها عن جسمها تعتبر ركبها سودة او ام وكب سود نفس ما يقولون 😒😏
ولا عليكم من هالتعليقات 👍🏼👍🏼 لان حرام في بنات صج ماتحتاج تفتيح وتعتقد انها تحتاج لا يصير التفتيح هوس او هاجس، اهتموا بنفسكم نعم ولكن باشياء صج انتومحتاجينها.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق