بشرح لكم الطريقة المثالية والمفضلة لتطبيق كريمات او سيرومات منطقة حوالين العين وهذا لا يعني انها قاعده ولكنها الافضل والاختيار لكم بالنهاية وكل واحد يستخدم طريقته اللي مرتاح عليها :

طريقة استخدام سيروم العين

1- يستخدم اصبع 💖 البنصر 💖 لانه يعتبر افضل الاصابع لتطبيق سيرومات او كريمات حوالين العين، اولا حجمه مناسب للفرد وغير جذي لما انيي بنطبق او نربت او انطبطب على المنطقة راح يكون هو الاخف على الجلد وما يكون قوي لانه هذه المنطقه تحتاج تعامل لطيف وليس عنيف بالفرد وتتأثر بسرعة بالتجاعيد وانتفاخ تحت العين.
ولو جربتوا فعليا كل اصابع اليد بالطبطبه راح تلاقون ان البنصر هو اخف اصبع بالتطبيق.

2- وزعوا الكريم او السيروم بعدها التربيت او الطبطبه تكون بسيطه وليست بطريقة عنيفة وضاغطه بشدة على الجلد حيل لان جذي راح تزيدون التجاعيد تحت العين ماراح تفيدون المنطقة.

3- ولو كنتوا ترتاحون لطريقة المسح فيفضل ان نمشي بالطريقة اللي تبدي من الجلد بقرب المنطقة الدمعية ومنها الى الخارج وبس نوصل لي بره نرد من المنطقة الدمعية الى الخارج اذا الطريقة مسح ونكرر لحين امتصاص الكريم او السيروم وليس العكس عشان ما نسبب بطريقة الذهاب والاياب بالمسح بتعرجات او طيات بالجلد، والجفن اللي فوق نفس الشي.

اما اذا كانت بالطبطبة نفس ماكنت قاعد اطبق بالفيديو طبطبه خفيفه ونروح ونرد عادي دام مو بطريقة المسح لان الطبطبه ضغط خفيف ورفع وليس خط متصل نفس المسح.