تساقط الشعر رغم أن التحاليل جيده ، ما الحل - د جنه خداده
🤓🤓🤓🤓حديدي زين بس شعري يتساقط شالحل 😰😰😰😰:
.
.
كثير بنات لما اشوفهم يكون المشكلة اللي عندهم تساقط فأول سؤال اطرحه عليهم شنو تحاليل التساقط اللي سويتوها طبعا في منهم يحاوب ما سوينا و اطلب لهم اللازم بس في منهم يقولون كل الفحوصات سويناها و طلع كل شي طبيعي و حتى حديدي زين بس لما اسال زيادة اكتشف انهم مو مسوين التحليل الصح للكشف عن نقص الحديد .في نقطة مهمم و خطأ شائع اما يكون لانكم وايحين عند دكتور ليس صاحب الاختصاص و هذا قليل يحدث فما يطلبلكم بعض التحاليل المهمة مع ان يطلب وايد اشياء غيرها او لانكم تروحون مباشرة لمركز مختص او مختبر لعمل تحاليل شاملة ما يكون من ضمنها شي انسميه مخزون الحديد او اسمه بالانجليزي عشان تعرفون التحليل
و هذا الاهم لعلاج التساقط بسبب نقص الحديد و في كثير يكونون مسوين بس تحليل CBC اللي فيه نسبة الهيموجلوبين و ساعات تطلع طبيعية النسبة و تعتقد ان اهيا مو بحاجة لاخذ فيتامينات الحديد لتعويض النقص و تنسى ان الاهم هو Ferritin .
طيب جم لازم يكون ال مخزون الحديد او Ferritin ✅✅✅✅
لازم يكون فوق ٦٠ او فوق ال ٧٠ اقل شي حتى لو كان اقل و الفحص مبين لكم ان اهوا بالحدووووود الطبيعية فلازم نرفعه لحد هالمعدل عشان نعتبر المخزون كافي و تخف مشكلة التساقط و الهالات السودة تحت العين فعشان جذي كثير منكم يكتفي بعمل CBC و اذا طلع طبيعي ماياخذ شي و يكون عند مشكلة بال Ferritin مو محلل عليها فيضل عنده مشكلة الشحوب و التساقط و الهالات .
طيب اذا طلع ناقص ال Ferritin عن ٧٠ شالحل؟!؟!
عادة بعلاج نقص الحديد بعد معرفة سيب النقص و استثناء اي اسباب مرضية خطيرة نعطي كورس علاجي من حبوب الحديد لمدة لا تقل عن ٣ اشهر و بعض الاحيان بعد التحليل هذه المدة ممكن نمددها ل ٦ اشهر على حسب استجابة الجسم و المعدل اللي وصل لل Ferritin عندهم بس كل هذا يحدده الدكتور المختص .
الخلاصة:
فحص CBC شي و فحص مخزون الحديد Ferritin شي اخر لذلك اذا كنتوا تعانون من تساقط شعر فهدا الفحص مهم و حطيت لكم فوق المعدل الطبيعي منه و كيفية علاجة فلا تقولين حديدي زين و المخزون Ferritin نازل لانكم تحتاجون ترفعون Ferritin ✅✅✅✅✅✅✅✅
.
.
اتمنى وصلت المعلومة 😍😍😍😍
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق