أمبولات علاج و مقاومة مطلقة لتساقط الشعر فادتني جدا للامانه ، د. جنة خداده
أمبولات Phytologist 15 علاج و مقاومة مطلقة لتساقط الشعر فادتني جدا للامانه
انا استخدمت كثير امبولات و لكن هالامبولات بالفتره الاخيره اللي استخدمتها و صارلي عليها شهر و نص و بكمل الكورس لي ٣ اشهر و ارتحت عليها واااايد للامانه فقررت احطها بس قبلها لازم نعرف نفس ماذكرت بالفيديو العلاجات لتساقط الشعر كثيره اهمها تعويض اي نقص بالحديد و دال الزنك او خلل غدة درقيه بعدها اتيي اي علاجات اخرى و هذا اللي سويته انا طبعا و استفدت وايد بس ظل عندي شوية تساقط فادتني هالامبولات بفضل الله ❤
شنو يميزها ؟!
⭐️ تشتغل تقريبا على ١٥ سببا من اسباب التساقط فتحسن من تحسس فروة الرأس و تقاوم التأكسد و تنشط عوامل النمو و تزيل السموم من الخلايا و تطيل اشتغال خلايا بصيلات الشعر و غيرها الكثير 👍🏼
⭐️ على فكرة تركيبتها طبيعية فيها عشبة الجنشياتا الهندية اللي قوية جدا في تحفيز نمو الشعر و تكوين شعر جديد 😻 تدرون ان يخلطون هالمادة ساعات ببعض العيادات مع حقن بلازما الشعر من كثر ما مفعولها ممتاز و تحفز النمو و تقلل التساقط و من تركيبتها بعد اشياء كثيرة منهما خلاصة الككاو اللي تقلل من تحسس و التهابات فروة الرأس 😍✋🏼✋🏼
⭐️ كثير امبولات تكون فيها ريحة مزعجه و مشكلتها تظل ما تروح الا بعد الشاور لكن هالامبولات ريحتها مقبوله لانها من اعشاب طبيعية و طريقتها تحطينها بعد الشاور ليش لان حتى الريحه تروح على طول 😍 انا احطها بعد الشاور و اسشور شعري عادي و لا كأني حاطه شي لان الريحه تروح 😌
طريقة استخدامها 💆🏻
اهيا بوكس فيه امبولات تكفي لمدة شهر و الاحسن تستخدمونها ٣ اشهر كورس علاجي كامل و تنحط ٣ مرات بالاسبوع بعد الشاور تحطونها على فروة الرأس كلها مع مساج بسيط انا اخلي شعري شوي بعد الشاور رطب و بعدها احطها و ادلك الفروه 👌🏼 و طبعا تنحط عالفروة لانها امبولات علاجيه و ليست زيوت لان الزيوت نفس ماقلنا ما تنحط صح ؟!! 😻👏🏻👏🏻ملاحظة :
امبولات فيتولوجيست معاها شامبو فتولوجيست اشتريته و مع اني ما التزمت فيه وايد 😂 بس شفت نتيجه لله الفضل و فادتني يعني يفضل شامبو طبي معاها بس ممكن لوحدها عادي ☺ .
😻 و ياربي تفيدكم 🙌🏼
.
.
د.جنة خداده
-----
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق