سر من اسرار جمال وشباب وجه وبشرة الدكتورة جنه
جل او كريم الديفيرين Differin سحري
قبل كل شي هالكريم ماتكفيه دقيقة واقروا بالتفصيل المعلومات تحت عنه👍🏼وعلى فكرة الكريم متوفر بالمراكز الصحيه لدى اقسام الجلدية بالمجان عشان لا تقولون دعايه ثانيا هذا جزء من عنايتي و في الكثير بس هذا مهم و فادني حيل في المحافظه على شباب بشرتي☺️👍🏼👍🏼😃
عموما كريمات الرتينويدز(فيتامين A)مهمة في علاج الحبوب وتقشير البشره و مثال لهالكريمات الاكرتين والديفيرين
كريم ديفرين ممتاز ويفيد مو بس لحب الشباب لا لكن لاشياء كثيره منها؛
١- التفتيح وعلاج النمش الخفيف وتوحيد اللون بس عن نفسي افضل السكين اورين اذا كانت المشكله توحيد لون البشره مفعوله بطيء بس عندي اهو رقم واحد
٢- يقاوم الديفيرين التجاعيدوانا عن نفسي من زمان بديت احطه على كامل الوجه وحتى على (بعد) قليل من العين مو تحتها مباشره و على اجناب العين ووايد فادني بتقليل ظهور تجاعيد حول العين😍 و حتى تجاعيد البشره عموما 👏🏻 يعني لحد الان من بعد الله اهو سبب ان بشرتي محافظه على شبابها
٣- لمسامات الوجه يساعد وايدبتخفيفها بس اذا كانت شديده يحتاج معاها اشياء اخرى اقولها ببوست بعدين 😍اناخفف لي جدا مسامات الخدوشبه اختفت خلال شهرين من استخدامه حسيت بفرق
٤-على فكره اللي عنده مشكلة حب شباب وراحت ويبي يحافظ عالنتيجه هالكريم ممتازعشان يقلل دهنية الوجه فيحد من الحبوب وتفاقمهاوكذلك كريم السكين اورين😍
انواع الديفرين
* كريم : يناسب البشرة الجافة والحساسة* جل : يناسب البشرة الدهنية والمختلطة( انا استخدمه)
تركيزات ديفرين
في تركيز ٠،١٪ و ٠،٣٪طريقة استخدامي له لشباب البشره :
استخدم كميه بسيطه من الكريم اوالجل فقط على طرف الاصبع و احطها على كامل الوجه و الرقبه و حوالين العين وضحت شلون تصير من ٣-٤ مرات بالاسبوع و كل اربع اشهر او حتى ٦ اشهر اوقفه شهر الى شهرين ✋🏼✋🏼✋🏼✋🏼* اللي بيبدون لاول مره فيه لازم تدرج عشان لا تتحسس بشرتهم فيوضع مرة واحدة يوميا ليلا على وجه مغسول و يترك على الوجه على الأقل لمدة ساعة اوساعتين كأول مره ثم يغسل الوجه بعد ذلك استخدمي كريم مرطب مناسب لنوع بشرتك و ثاني يوم ممكن تخلينه مده اطول لين تتعود البشره وتقدرين تحطينه بليل و تنامين فيه
* و اذا بشرتكم تتحسس منه وايد يفضل استخدامه من مرتين الى ثلاث مرات بالاسبوع فقط
متى يظهرتأثيركريم ديفرين؟
* من٢-٣ اشهر عالاقلاعراض كريم الديفرين الجانبيه:
* نفس اعراض الاكرتين ولكن الالتهاب والتحسس والتهيج والحرقان وجفاف الجلد معاه اقل* يزيد من التحسس للشمس فالاحسن ينحط بليل
* ممنوع للحامل و المرضع
.
د.جوووووج
-------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق