بحث
أهم سيرومين لبشرة خياليه - دكتورة جنه
لجمال بشرتكم حرصوا على سيرومين اثنين
متابيعاتي الجميلات لجمال بشرتكم حفظوا هالبوست صم و توارثوه اجيالا و اجيالا و لا تنسون جوووووج بالدعاء 😹😹
اكثرت السيرومات و الكريمات و تحتارين شنو تاخذين و شنو الاهم لي الاقل اهميه طبعا الحين اللي بقولهم اقصد فيهم سيرومات لجمال و نضارة البشره و التركيبة ممكن تلقونها بسيروم واحد بس احب عن نفسي استخدم كل سيروم على حده فيكون مركز و لما جربت لقيت نتايجهم احلى و كل ماله و البشره تصير احلى و احلى و الحين اذا تبين تعرفين شنو تركزين عليه و تحرصين عليه :
أولاً : سيروم فيتامين سي لازم لازم يكون عندكم ليش ؟!
لانه اهو المسؤول عن نضارة البشرة و صدقوني مع استخدامه راح تحسون بفرق ببشرتكم لانه بعض البشرات ساعات تكون خاليه من العيوب بس باهته و مافيها حياة
فلازم تعرفون انه فيتامين سي اهو اللي يعطي البشرة نضارتها و المهم بعد تعرفون في تراكيز كثيرة لما تروحون تاخذون ابتدوا من تركيز اقل مثلا خمسه او عشره او حتى عادي تبدون بتركيز عشرة و مع الوقت تقدرون تزيدون التركيز لي ٢٠
و اما بالنسبه للي تستخدم الديرمارولار يفضل تبدي من خمسه و بعدها تزيد عشرة عشان لا تتحسس البشرة و طبعا اللي تستخدم الديرمارولار امتصاص فيتامين سي بيكون اعلى فالاستفاده بتكون اكبر و ينفع فيتامين سي حتى من عمر مبجر 😍😍 ماحطيت براند معين عشان لا تتقيدون و ابيكم بس تفهمون الفكرة و اذا تبون بعدين احط امثله مو مشكلة بس قلت لكم ما ابيكم تتقيدون 👍🏼👍🏼👍🏼👍🏼
ثانيا: سيروم الهايلورونيك اسيد
لازم و لازم للبشره خاصة من اواخر العشرينات او اول الثلاثينات ليش؟!؟!؟!؟! لان راح تبدي الخطوط تظهر بالبشرة و الهايلورونيك اسيد مختص بتعبئة هالخطوط ببدايتها قبل لا تتفاقم و تزيد و يعمل على المحافظه على شباب البشره قدر المستطاع فلا تهملونه لانه ممتاز تحطونه ليلا يوميا للاعمار اللي قلتها و حتى لما تستخدمون الديرمارولار حطوه بس حتى بدونها اهو و فيتامين سي ضروري للبشره و خيالي مع الوقتملاحظه مهمه :
في سيرومات فيها تركيبتين مع بعض فيتامين سي و هايلورونيك اسيد مع بعض بس عن نفسي اعشق انه اخذ سيروم سي بروح و اكون عارفه تركيزة و مكتوب عليه بشكل واضح و اخذ شي فيه هايلورونيك اسيد كتركيبة غنية بروح لاني شفتهم على البشره احلى مع الوقت 😍😍أتمنى البوست يعجبكم منشنوا اللي مو عارفين شنو ياخذون لجمال بشرتهم و اذا تبون امثله قولولي احطها ببوستات قادمة بس ارد و اقول ماحبيت اقيدكم و بعدين كل ما اقول شي يخلص و الغالبيه بعدين ما تلقاه حرصوا على هالشيين .
د.جوووووج
-------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق