الطريقه الصحيحه لوضع زيت الشعر ، د. جنة خداده

ما احط زيوت الشعر على الجذور ( منابت الشعر )

ليش ؟! 💆🏻💆🏻

في الاعاده افاده و للمتابعين الجدد اللي ما لحقوا على الموضوع 💎💎💎💎أولا :؛ حطيت لكم بشرح بسيط بالفيديو شلون احطها على بعد قليل من الجذور سنتي او اثنين و ادلكها شوي من تحت بعيد عن الجذور و اخليها و ماحطها على الجذور بالمره .

ليش لعدة اسباب ؟!؟!

1️⃣ الشعر يستفيد حتى لو بعدنا عن الجذور لان يمتص الفايده من الزيوت و يغذي كل الشعر و بعدين تغذية الجذور الاساسيه تكون بالاكل الصحي و مكملات غدائية مساعده 👍🏼 .

2️⃣ عند وضع الزيوت الكثيرين يدلكون الجذور و ساعات يدلكونها بقوه و اذا مو بقوه لمده طويله فتتضرر الجذور و تتعب و خاصة اذا كانت ضعيفه بالاساس فيزيد التساقط اللي يلاحظونه وايد بنات من يبتدون يستخدمون الزيوت و يحطونها عالجذور 😊 .

3️⃣ الزيوت عالجذور ممكن تسبب تهيج بجلدة الرأس و تحسس و النتيجه ممكن تكون حكة او تساقط زايد بالشعر و خاصة في كثير يخلطون زيوت او ياخذون خلطات جاهزه من الانستقرام و غيرها اللي ممكن ما تكون جيده و ما تناسبهم .

4️⃣ غير كل هالامور كثير من الزيوت تحتاج غسل لمدة طويله و لعدة مرات عشان تروح من جذور الشعر و اوقات كثيره حتى بعد الغسل يظل منها عالجذور و انتو ما تدرون و تبتدي مشكله القشره في بعض الاحيان اللي تفاقم مشكلة التساقط .

اتمنى اكون فدتكم الله يحفظ الجميع و كل وحده يصير شعرها مثل باربي و احلى بعد 😍😂❤️😍😍🙏🏻⭐️🤓 .

💆🏻 جنة 💆🏻

------