طريقة شد الوجه و الرقبه بدون جراحه ، د. جنة خداده
شد الوجه و الرقبه من غير جراحه
بما اني دايما عودتكم اصور كل شي بكل مصداقيه و اشاركم تجاربي بادق التفاصيل اللي استخدمها لبشرتي و شعري و الاهتمام فيها حطيت هالفيديو اللي اوضح فيه الجهاز اللي قاعد استخدمه حاليا لشد الوجه و الرقبه و متابعيني بسناب يدرون مانزل الفيديو هذا الا بعد ثالث جلسه و ما حطيته على طول الا لما انا حسيت بفرق و اللي حواليني انه ويهي شاد و الدبل جين او اللقلوق 😹 شبه راح
جهاز الكسيلاس :
عباره عن جهاز يبث موجات حراريه تحفز الكولاجين فتشد البشره المميز بهالجهازاولا :
فيه بنفس الوقت كذلك تذويب للدهون لان ساعات اتيي الوحده مو بس بترهل تحت الذقن كثر ما يكون تجمع دهون و ساعات ترهل و بعض الاحيان الاثنين معا فهالجهاز فيه الاثنين فيه اذابه للدهون و فيه شد و فيه الاثنين معاثانيا :
هالجهاز ميزته حكمت عليه بعد ثالث جلسه مو مثل اجهزه كثيره اخرى للشد تسبب حروق او تصبغات لانها تعتمد عالحراره هذا ما سبب لي اي تصبغات للامانهثالثا :
غير مؤلم بالمره ما احتجت لا مخدر و لاشي فمرتاحه عليه و راح اكمل اقل شي ٦ جلسات لان عدد الجلسات المفضل يكون ٦ و بعدها على حسب كل حاله و ترهل المنطقه اللي فيها و الدهون الموجوده و طبعا الطبيب يحدد هالشي 👍🏼 .اجهزه الشد الغير جراحيه كثرت للامانه و كل شخص يرتاح على شي و لكن بالنسبه لي هذا الجهاز اللي بديت عليه و راح ابتدي الجلسه الرابعه الاسبوع القادم و اللي خلاني اكمل اني مرتاحه و مميزاته اللي ذكرتها فوق 💘💘💘💘 .
وين اسوي جلسات بعيادة سيموي 💘💘💘💘 عند د. ندى حسن و على فكره عندهم كل خدمات الجلديه تشخيص و علاج و ليزر فلر بوتكس و غيرها الكثير بس انا حطيت اللي استخدمته جهاز الاكسيلاس اسمه لشد الوجه و الرقبه ماشالله جد ارتحت عليه و لاحظت فرق بشد بشرتي بالوجه و الرقبه من ثالث جلسه 💘💘💘💘
.
.
د. جوووووج
--------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق