الطريقه الصحيحه لوضح كريم او جل الديفرين ، د. جنة خداده
الطريقه الصحيحه لوضع جل او كريم الديفيرين Differin السحري
متوفر بوزارة الصحه لدى اقسام الجلديه بالمجان و انتشرت فيدوهات و مقاطع مع كلام ماله علاقه بشرحي له او طريقه استخدامي لانه فيها دقه و بعض الاكاونتات الله يهديهم قاعدين يضرون الناس بهالطريقه فحبيت اسجل البوست هذا لكم بس عشان اوضح طريقة وضعي له اللي اتبعها فرجاءا لا تاخذون اي معلومه من اي اكاونت ثاني لانه البعض و ارد اقول البعض قاعد يستخدمها بطريقه غلط مع معلومات خاطئه و الناس قاعد تتضرر .
عن نفسي استخدم الجل لانه بشرتي اتحمل و مو الاغلب يتحمله بس حاطتلكم بالبوست فوق الكريم لانه اخف و التهيج منه اقل😍😍😍😍😍😍😍😍 الجل هذا جزء من عنايتي و في الكثير بس هذا مهم و فادني حيل في المحافظه على شباب بشرتي☺️👍🏼👍🏼😃
يقاوم الديفيرين التجاعيد و لانه مقشر و لانه مثبت علميا انا عن نفسي من زمان بديت احطه على كامل الوجه وحتى على (بعد) قليل من العين مو تحتها مباشره و على اجناب العين ووايد فادني بتقليل ظهور تجاعيد حول العين نفس ما وضحت لكم بالفيديو
و الله سويت هالفيديو بس عشان اوريكم مو تحت العين مباشره و طريقتي بوضعه و مابيكم تتضررون 😍 و حتى لتجاعيد البشره عموما حلو حقها قبل لا تزيد 👏🏻 يعني لحد الان من بعد الله اهو سبب ان بشرتي محافظه على شبابها
طريقة استخدامي له لشباب البشره :
استخدم كميه بسيطه من الكريم اوالجل فقط على طرف الاصبع و احطها على كامل الوجه و الرقبه و حوالين العين وضحت شلون تصير و لايوضع حوالين الشفاه من ٣-٤ مرات بالاسبوع و كل اربع اشهر او حتى ٦ اشهر اوقفه شهر الى شهرين ✋🏼✋🏼✋🏼
* اللي بيبدون لاول مره فيه لازم تدرج عشان لا تتحسس بشرتهم فيوضع مرة واحدة يوميا ليلا على وجه مغسول و يترك على الوجه على الأقل لمدة ساعة اوساعتين كأول مره ثم يغسل الوجه بعد ذلك استخدمي كريم مرطب مناسب لنوع بشرتك
و ثاني يوم ممكن تخلينه مده اطول لين تتعود البشره و تقدرين تحطينه بليل و تنامين فيه
* و اذا بشرتكم تتحسس منه وايد يفضل استخدامه من مرتين الى ثلاث مرات بالاسبوع فقط
متى يظهرتأثيركريم ديفرين؟
* من٢-٣اشهر عالاقل
الاعراض الجانبيه لكريم ديفرين:
* نفس اعراض الاكرتين ولكن الالتهاب والتحسس والتهيج والحرقان وجفاف الجلد معاه اقل
* يزيد من التحسس للشمس فالاحسن ينحط بليل و اذا الصبح مع كريم حماية
* ممنوع ⛔️للحامل و المرضع⛔️
.
د.جوووووج
-------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق