نحب نستخدم السيرومات والكريمات وغيرها للعناية بالوجه وساعات نشتري كميات منها ونفتح كذا علبه بوقت واحد بس في بعض النصايح عن من فتحها شكثر تكون صالحه للاستعمال او يفضل تستخدمونها خلال شكثر عشان لا نتجاوز مدة صلاحية كريمات البشرة.

2- ثانيا : المثال الثاني تحت رسمة علبة اللي مكتوب عليها 9M هذي تعني انه تستخدمون السيروم او الكريم بعد فتحه خلال تسع اشهر وبهذه الحاله لازم تحطين تاريخ فتحها تكتبينه عشان لا تنسون اشكثر صارلكم من فتحتوها من كثر السيرومات اللي عندنا نضيع 😹. 

فنصيحه اكتبوا عليهم بس حتى لو محطوط عليها تسع اشهر او حتى اكثر من فتحها بالنسبه لي راح استخدمها خلال الست اشهر كحد اقصى لانه افضل وارد اقول مو لازم بس افضل.

اتمنى يكون الشرح واضح ولانه هالشي عن نفسي اسويه انه اي سيروم افتحه للعنايه ببشرتي استخدمه لفتره اقصاها ست اشهر بغض النظر عن الصلاحيه المحطوطه على العلبه لانه خاصة السيرومات او الكريمات اللي تكون مكشوفه او كل شوي نحط اصبعنا فيها مثل كريمات التقشير معرضه للتلوث او يكون فيها مواد تتاكسد مع تكرار كشفها على الهوا.