استخدام خاطىء لهذا الكريم ، د. جنة خداده
بنات استخدامكم خاطىء للبيبانثين بلس
البيبانثين في منه انواع كثيرة و هم كلهم مرطبات سواء الازرق او الوردي او البرتقالي و متوفرين بالمجان بوزارة الصحة بالمراكز الصحية بس في نقطة مهمة بالنسبه للبيبانثين البرتقالي انه تركيبته الاساسية مو مثل البقيه بس مرطب ديكسابنثينول
لانه فيه بعد كلورهيكسيدين وهو معقم او بمعنى يساعد على التآم الجروح الملتهبه و يستخدم لفتره معينه في حالات الخدوش او حتى الجفاف اللي يصير بعد تقشير الجسم و المناطق الحساسه و خدوش و جفاف الوجه الشديد و لمدة معينه
لكن انكم تستخدمونه يوميا بشكل اساسي قبل المكياج ما يصلح لهالشي و في اشياء احسن و ما ينفع استخدامه كمرطب عناية يومي و لا راح تلاقين منه الفايده اللي تلقينها بغيره من المرطبات ليش لاني توني شرحت تركيبته مادتين وحده للترطيب و الثانيه معقمه و تساعد في تسكير الجروح
بس خالي من اي مواد فعاله لنضارة البشرة مافيه فيتامين سي و لا فيه هايلورونيك اسيد يعبي الخطوط فما يصلح لاستخدام دائم و لمدة طويله و لانه غير مخصص لهالشي و مافيه تركيبه غنيه لبشرتكم و له استخداماته الخاصه فيه .
اتمنى انه الشرح يكون واضح لكم و اما عن البيبانثين الوردي و الازرق راح نشرحهم ببوستات يايه بالتفصيل اذا حابين .
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق