اخذ حبوب تساقط الشعر بدون تحاليل ، د. جنة خداده
اقدر اخذ حبوب تساقط الشعر بدون تحاليل التساقط ؟!؟
الاجابة نعم تقدرين تبلشين قبل لا تسوينها بس ليش افضل نسويها حتى لو بيدينا بهالحبوب ؟! معلومه حطيتها بالسناب بس راح تروح خلال ٢٤ ساعه فحبيت اكتبها لكم بالتفصيل عشان تستفيدون منها و على طول تظل موجودة لكم 🙌🏼💕🙌🏼 .
لان الحبوب تحتوي عادة على جرع يوميه مثل الحديد و دال و الزنك يعني راح تساعد بالتساقط و تحسون مفعولها زين معاكم اذا كان اساسا الحديد و دال و الزنك طبيعي بجسمكم فتحتاجون بس جرع يوميه و هذي متوفره بأغلب حبوب تساقط الشعر و ليس كل الانواع
لكن اذا بديتي عليهم و انتي مو مسويه تحاليل و كان عندج فعلا نقص حاد بالحديد او فيتامين دال فهالحبوب قد تساعدج لكن مو بشكل كبير لانج بالاضافه لها تحتاجين حبوب حديد تعدل النقص اللي عندج و تحتاجين حبوب دال او ابر يعني تحتاجين بالنهايه جرع علاجية و ليست وقائية اتمنى تكون الصورة وضحت لكم .
يعني تبدون عليهم عادي لكن الافضل تبدون و تكونون مسوين التحاليل عشان تعرفون شنو يحتاج جرع علاجيه لتصحيح النقص لان هالحبوب ما تعالج نقص حاد بالحديد و فيتامين دال لكنها مسانده لانها جرعه اليوميه فقط و ليست علاجيه 💕🙌🏼🙌🏼
بالاضافه لذلك ان من تحاليل التساقط تحليل الغدة الدرقيه لانه خمولها سبب مهم جدا جدا جدا للتساقط فاذا وحده كان عندها خمول و بدت عالحبوب مالت التساقط بدون ما تسوي تحليل ماراح تستفيد لانه السبب الرئيسي ما عالجته الا و هو خمول الغده و علاجها بحبوب خاصه علاجيه و ليس بالفيتامينات 👍🏼👍🏼👍🏼
.
.
جوووووج
-------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق