بحث
نصائح مهمة جدا للاهتمام بالشعر و صحته ، د. جنة خداده
نصائح للاهتمام بالشعر و صحته
تحت هالبوست بحط معلومات عن الاهتمام بالشعر و شلون انخليه صحي كثر ما نقدر :
قبل لا اشرح النقاط بالتفصيل باخر مؤتمر حضرته تطرقوا انه اكثر شي يتلف الشعر الستريتنار و سحب اللون و راوونه حالات لشعر تالف بشكل ماتتخيلونه فديروا بالكم😫❌😫❌😫😫❌ لا و في بنات تسوي سحب لون و تغير صبغتها و بنفس اليوم تسوي ستريتنار هذي عاد الله يعين شعرها صج لانها استخدمت اسوء شيين و جمعت بينهم 🤦🏻♀️🤦🏻♀️🤦🏻♀️🤦🏻♀️
و الحين سمعوا النصايح التاليه :
١- بنات اللي مدمنين صبغات كثر ماتقدرون قللوا من صبغات الشعر المتكررة اللي بينها فترات قصيره اشهر يعني
٢- اللي مضطرين على صبغ الجذور بسبب الشيب شهريا فيفضل الصبغات الخاليه من الامونيا و متوفره بأغلب الصالونات
٣- تجنبوا سحب اللون 😫❌😫❌ مو لازم تصبغين لون جدا يفرق على درجة لون شعرج فتضرين تسوين سحب لون ترى سحب الون يتلف و يدمر الشعر 😞😞😞😞
٤- بالنسبه لغسل الشعر ما يفضل يوميا تغسلينه بالشامبو لانه حتى لو دهني راح يفرز دون اكثر لازم تخلين يوم او يومين بين غسله و الثانيه احسن
٥- بلسم الشعر قلت عن اهميته لو مرتين بالاسبوع من منتصف الشعر لي الاطراف حاطته ببوست من قبل تفصيلي
٦- يفضل قبل الشاور تمشطين شعرج لانه بجذي راح تقللين من التشابك و يساعد على تسريحه بسهوله بعد الشاور
٧- السشوار كثرته تضر الشعر اكيد بتقولون عيل شنو نسوي استخدموه بس القصد بحراره مو وايد عاليا و مو يوميا يعني كثر ما تقدرون خففوا من استخدامه
٨- الستيتنار عموما يتلف اكثر من السشوار ليش لانه في معدن حار و حرارته تصل إلى فوق ال ٢٠٠ متخيلين و يلامس الشعر مباشره عشان يساعد على فرده و من الاشياء اللي تطرقوا فيها بالمؤتمر الاخير انها تتلف الشعر اذا قدرتوا تستغنون عنه ممتاز ان ما قدرتوا ارد و اقول قللوا من استخدامه افضل لشعركم
٩- زيوت الشعر مهمه لصحة و لمعان الشعر و حاطه امثله عليهم ببوستات و شلون طريقة وضعها و تكفي بس مره بالاسبوع بعيد عن الجدور لمدة تتراوح بين ساعتين لي اربع ساعات جذي ممتاز
١٠- لا يفضل تمشيط او تسريح الشعر بعد الشاور مباشره ننتظر الى ان يصبح رطبا على الاقل
١١- فرد الشعر بالكيراتين اهم شي تتأكدون انه نسبة الفورمالين اللي فيه تكون جدا قليله لا تذكر عشان تقدرون تسوونه لانه الفرد راح يعجبكم اول شي بعدها الشعر راح ينتلف و تبجون عليه فحرصوا على نوعية الكيراتين قبل الاستخدام بنات 💎💎💎💎
يعني بالنسبه للي طرى ببالي حطيته كله لكم عشان تحافظون على شعركم صحي كثر ما تقدرون و اي شي اتذكره راح احطه 💘💘💘
---------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق