احذروا من الماسكرا و الفاونديشنات ، د. جنة خداده
👩🏻👩🏻👩🏻👩🏻 الماسكرا و الفاونديشنات 🧚🏻♀️🧚🏻♀️🧚🏻♀️🧚🏻♀️
الميك اب حلو و كلنا نحبه بس دايما احب انشر الوعي ببعض النقاط عشان تستخدمون الميك اب اللي بخاطركم و تحافظون على بشرتكم بنفس الوقت و في اشياء بعض البنات ما يحطونها بعين الاعتبار او ينسونها و قد تأثر على بشرتهم او تضرها
الا و هي فترة صلاحية بعض انواع الميكب من فتحها و استخدامها و بشرحلكم عن بعضها :
— الماسكرا :
تستخدم الماسكرا على منطقة حساسة جدا و هي العين و الرموش و اذا صارت قديمة قد تسبب اما حساسية بالجفون او تدخل داخل العين و تسبب التهابات و خاصة لانه طريقة استخدامها تعرضها للهواء بكل مرة نستخدمها و نرد نرجعها بالعلبة فممكن تنقل عدوى لذلك لا تستخدمونها من تفتحونها اكثر من مدة ٣ اشهر بنات و حطوا عالعلبة متى فتحتوها عشان بس يصير ثلاث اشهر تستخدمون غيرها يديدة هذا الافضل .— الفاونديشنات و الكونسيلرات :
تستخدم عالبشرة بشكل مباشر و اغلب الانواع تلاقون فترة صلاحيتها ست اشهر و بعدها ترمى افضل و البعض يحط سنة من فتحها بس افضل ان خلال ست اشهر من فتحها حتى اذا ماخلصت ترمى و تفتح علبة فاونديشين جديدة ليشلانه من اسباب التهابات البشرة البكتيرية و تفاقم الحبوب بالوجه عند بعض البنات هو ان مستحضرات الميك اب تكون قديمة فتأثر على بشرتهم بالسلب و تتضرر لذلك الوقاية خير من العلاج لا تستخدمونها اكثر من الفترة المحددة عالعلبة
و عادة ما يحطون لكم تاريخ بس تنرسم علبة و داخلها عدد اشهر صلاحية الفاونديشين من فتحه فحاولوا تلتزمون فيها الله يحفظكم 🤲🏻🤲🏻
🤲🏻🤲🏻❤️❤️❤️❤️
.
.
اتمنى الموضوع ينال اعجابكم و تستفيدون منه و الاهم من هذا كله انكم تطبقون هالشي عشان تحافظون على صحة عيونكم و جمال بشرتكم 💎💎💎💎💎💎💎💎
.
.
د.جوووووج .
.
في وحدة استخدمت ماسكرا او فاونديشين عندها كان قديم و تاثرت عينها او بشرتها ؟!؟!؟!؟! 😢😢😢😢😢😢😢😢
قد يهمك أيضا
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق