افضل مرطب شفايف من صيدلية للتفتيح يورد الشفايف

ما هو أفضل مرطب شفايف من الصيدلية لتوريد الشفايف

دايما احط لكم من اول الخيارات لترطيب الشفاة لانه مرطب متوفر في المراكز الصحيه بالمجان وان كان خالص ينباع بالجمعيات وبالصيدليات سعره اعتقد بحدود ثلاث دنانير تقريبا و اللي اعرفه اقل من سعر زجاجة مياه.

واللي اقصده اهو هذا اللي حاطته لكم فوق مرهم بيبانثين اللي ينكتب عليه بالوردي اللي اقصده لان البيبانثين في منه عدة انواع منها بيبانثين بلس ينكتب عليه بالبرتقالي هذا فيه معقم يستخدم غالبا للجروح و بيبانثين كريم ينكتب عليه بالازرق ترطيبه للجسم عموما وهنا شرح كامل عن الفرق بين أنواع كريم بيبانثين.

مرهم بيبانثين Bepanthen oitment

المهم الوردي حلو جدا غالبا تلقون عليه صورة طفل يعني لان مرطب عالي الترطيب ثقيل شوي فمناسب لترطيب مو بس الشفاه لكن حلمات المرأة المرضعه وكذلك المنطقه الحساسه للاطفال فيحميها من اي تحسس من المرطبات اللي جدا ممتازه للامانه.

وقلت لكم استخداماته ولشنو مناسب هذا ما يعني ان في مرطبات شفتة بعد زينه وفي منها فيها تركيبه قد تكون افضل حتى من هذا بس هذا توفره بالمجان وتركيبة ترطيبه جدا مناسبه فحطيته بالاول.

مرهم البيبانثين استخدمه عن نفسي بترطيب الشفاه افضل احطه بليل قبل النوم كمية نقطه لانه ثقيل نفس ماقلت ليش الليل لان يظل فتره طويله واحبه بعد بنات خاصه في نوع روجات تنشف الشفاه مثل المات الثابته انتو تدرون وتعرفون زين انها تدمر الشفاه، وأنا عن نفسي أستخدم هذا الروج.

كريم روعة لترطيب الشفاة

خاصه لما اتييون تشيلونها تتقشر الشفاه بس نحبها عشان جذي احط دايما مرطبات قبلها منها هذا مرهم بيبانثين عشان احافظ عليها من النشفان والتشققات.

اتمنى المواضيع اللي احطها حتى لو كانت بسيطه تفيدكم احبكم

واذا الله اراد راح احط اختيارات غير بيبانثين لترطيب الشفاة اللي يكون فيها مو بس ترطيب ولكن نسبة تفتيح لاسمرار الشفاة لان في متابعين مو بس يبون ترطيب يبون تفتيح لاسمرار الشفاة.

د.جوووووج