سألتكم امس عن تجاربكم مع كريم بيبانثين هل صارت معاكم استخدمتوا كريم بالخطأ وما يصلح للوجه وطلعلكم حبوب ؟! الغالبيه جاوب بالايجاب بس في اقليه مافهمت السؤال وبدت تقول عن كريمات اهيا اساسا للوجه والمقصود بالسؤال كان اكثر كريم غير مخصص للوجه واستخدمتوه عالوجه وطلع حبوب وهالبوست سجلته الجمعه بعد ما فتحت استفسارات يت عالايميل.

وارد اقولكم البيبانثين مو سيء وفي منه انواع ولكن اختيار الوردي اللي اهوا مرهم ثقيل القوام غير مناسب لترطيب الوجه❌ وامتصاصه قليل ويسوي طبقة عالوجه ويسبب بظهور حبوب لذلك اقتضى التنويه 🤚🏼 وهنا شرح كامل للفرق بين منتجات البيبانثين.

هذي كلها استخدامات لكن ما افضله نهائيا للوجه وذلك لقوامه الثقيل وفي انواع مرطبات تكون كريميه خفيفه او سائلة تستخدم لهذا الغرض لذلك لازم تعرفون هالشي.

اما الموضوع القادم راح يكون ليش بعض المستحضرات او الكريمات اللي نستخدمها تطلع لنا حبوب هل ما ناسبتتا او في خطأ يكون منا احنا عند الاستخدام وهالشي راح يكون بشرح تفصيلي لكم عن اسباب ان بعض المستحضرات تطلع حبوب بالبشرة وشنو ممكن يكون السبب.