طريقة استخدام الصبار الطبيعي لعلاج تساقط الشعر في المنزل دكتوره جنه خداده
الصبار الطبيعي مفيد للشعر
اول شي قبل اي شي اللي قاعد اتكلم عنه الصبار الطبيعي اللي انقصه من النبته نغسله و نستخدمه للشعر شلون الطريقه و شنو فوايده الحين اقولكم بالتفصيل 😍😍😍😍طريقة استخدام جل الصبار للشعر
تكفي مره اسبوعيا ناخذ الصبار و نغسله من بره و بعدها انقص الساق من النص عشان نوصل للمحتوى الداخلي و يكون لزج هذا الطبيعي الصبار لزج من الداخل نفس مو موضحتلكم فوق بالبوست عاليمين و نبتدي نفرق الشعر و نمشي بالماده اللزجه هذي على فروة الراس مباشره و نفرق الشعر و نكرر نفس الشي لين نغطي جميع الفروهو الساق يكون فيه وايد من الماده السائله لا تعتقدون انها خلصت لا ✋🏼✋🏼لانه بضغط بطرف الاصبع تطلع زيادة منها و تغطي اكبر مساحه من الفروه و بعدها لما نخلص ندلك بطرف الاصابع فروة الراس شوي شوي و ما نكون قاسين عالفروه لمدة دقيقتين و بعدها نخليه ساعه بالكثير لانها تكفي المده مانحتاج فتره اطول بس عقب ناخذ شاور عادي .
فوائد الصبار لفروة الرأس :
أهم شيين اثنين 😍😍😍😍
١- يخفف من الحكة و تهيج و حساسية و التهاب الفروة بشكل كبير و على فكرة لاحظوا قاموا يحطون الصبار حتى بمنتجات البشره لانه فيه خاصيه تخفيف الحكة و الحساسيه فيعتبر ممتاز
٢- يغذي الفروة بالاضافه و يساعد في ان يخفف من التساقط و يعتبر مساند حلو بعد اخذ بالاسباب المهمه بالتساقط و تعويض نقصها و ميزة الصبار الطبيعي سهل الاستخدام بالمنزل
ملاحظة : -
لما حطيت الصبار ووضحت انه ينحط على الفروة لاحظوا حطيته بروحه يعني ما خلطته مع زيوت لانها ماتنحط الزيوت على الفروة وفي هذا الموضوع شرح كامل عن الفرق بين وضع الزيت ووضع الصبار على الشعر ؛ فلازم تحطون بالكم لانه في بعض البنات بس تاخذ جزء من المعلومه انه الصبار مفيد و تقوم تحطه مع ماسكات و زيوت تخلطه و تحطه عالجذور
او تروح صالونات بعضها يحط الصبار بخلطات زيوت علي الجذور لا ما انصح بالهشي وهنا شرح مفصل للطريقة الصحيحة لوضع الزيت على الشعر - ثاني شي مهم بعد يابنات الصبار الطبيعي ينحط عالجذور ما انصح فيه على كامل الشعر بس عالجذور و الفروه لانه قد يسبب نشفان للشعر من تحت يعني مغذي و مفيد جدا و نحرص انحطه عالجذور و على فروة الراس مو على كل الشعر 😍😍😍😍
الطريقة جدا سهله ما تحتاج خلاط او شي بس مباشرة من الصبار على الفروة و اللي ما فهمها عدل ترى راح اطبقها ان شاء الله بالتفصيل حيل سهله بنات 👻👻
حياكم الله اتشرف فيكم
.
.
د. جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق