ثلاث منتجات لا تستخدمينها لترطيب الوجه - دكتورة جنة
٣ منتجات لا تستخدمينها لترطيب الوجه
❌❌❌❌
..
في كثير منتجات ما انصح باستخدامها للوجه بس قلت اختصر الموضوع بهالثلاث عالاقل اللي بشرحهم الحين و لازم تعرفون ما انصح هذا مو معناته ممنوع و لكن هي غير مفضله للوجه و قد تكون مفيده لاماكن اخرى بالجسم و لكن للوجه لا انصح باستخدامها لان اولا امتصاصها صعب عالبشرة و ثانيا لانه قد تتسبب بظهور الحبوب بالبشرة لذلك سويت هالبوست عشان اذكرلكم هالاشياء و هي: .
١- السيرومات الزيتية :
او اللي قوامها زيتي هذا النوع من السيرومات مو كل بشرة تتحمله او تمتصه بالكامل و اللي تمتصه مع الوقت قد يتسبب لها بظهور حبوب بالوجه فما افضل استخدامها للوجه و اذا في مكان مناسب راح يكون بالنسبه لهالنوع من السيرومات فهي منطقة حوالين العين لانه الجلد بمنطقة حوالين العين يحتاج ترطيب عالي و كذلك ما يظهر فيه حبوب نفس بشرة الوجه فبشكل عام السيرومات هذي ما انصح فيها لترطيب الوجه يا بنات
.
٢ و ٣ ماذكرتهم بالفيديو و لكن قايلتهم من قبل و قلت ممتازين في ترطيب مناطق مختلفه بالجسم و لكن للوجه في وايد اشياء احلى منها ف ٢ و ٣ مو سيئين و لكن ليست لترطيب الوجه .
٢- الفازلين العادي الهلامي :
للجسم نعم و كثير بنات يحبونه و لكن ليس المرطب المفضل للوجه ؛ الشرح الكامل من هنـــــــــــا.
٣- البيبانثين الوردي
حلو للشفاة و الحلمات المتشققه و منطقة الحفاظ للاطفال و بعض مناطق الجسم اللي تعاني من جفاف شديد او اكزيما و لكن ثقيل ثقيل على بشرة الوجه و البيبانثين الازرق هو البديل الافضل اذا تبين ترطيبن بشرة الوجه بالبيباثين .
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق