مهم تعرفونه 🤓🤓✅👍🏼 لكن في البداية شكرا لكم على جمال اجاباتكم وكثير منكم جاوب اجابات مو بس صحيحة لكن مع شرح حلو مثلكم .. جد انتم رائعين 💪🏼😍 وخلونا نشرح الحين فكرة كل وحده فيهم للي مايعرفهم.

ديرما رولر وديرما ستامب اثنينهم يعملون بتقنية الابر التي تخترق البشرة ونسميها طبياً تقنية المايكرونيديلينق microneedling وهي من التقنيات الآمنة والمفيدة للبشرة ونتايجها جدا رائعة مع الاستمرار عليها.

المهم ان نعرف الفرق بينهم وهو بالشكل

1- تزيد امتصاص السيرومات 

2- تحسن المسامات 

3- تشتغل على التجاعيد الخفيفة 

وغيرها من الامور مع الوقت وحسب عدد وعمق الابر اكيد

الديرماستامب كذلك ابر ولكن موجوده على قطعة ثابتة مربعة او مستطيلة وما تتحرك مثل العجلة وتشبه الختم فتستخدمونها كاستخدام الختم ومن اهني خذت اسمها ديرماستامب dermastamp وهذا تفضل للاماكن اللي فيها كثافة شعرية مثل فروة الرأس تستخدم كختم عمودي على فراغات الفروة قبل وضع المنتج اللي عادة يكون للتساقط سواء امبولات او بخاخات او محلول منكسوديل او اي منتج للتساقط فبالتالي تزيد من امتصاصه وفعاليته و dermastamp ميزتها انها تستخدم براحة لهذا المكان لانها ما تسبب تشابك بالشعر.

فهذي الفكرة بينهم والاختلاف واذا حابين نفس ما سويت لكم تطبيقات توضيحة بالخطوات عن طريقة استخدام الديرما رولر اللي فادت كثير منكم وحبوها اسويلكم فيديو توضيحي عن طريقة استخدام الديرماستامب ؟! شرايكم حابين ولا لا ؟!

..