حمض وجوده بمنتجات العناية بالبشرة اليومية ضروري جدا جدا و خاصة للبشرات اللي تظهر فيها الخطوط والتجاعيد وغالبا من عمر ٢٥ فما فوق :

الحين بتطرق ليش وبحطلكم تشبيه بسيط لفعالية حمض الهيالورونيك: تخيلوا اسفنجه ناشفة لو حطيتوها بوسط فيه ماي شراح يصير ؟! راح تسحب الماي اللي حوالينها و تمتلي و يزيد حجمها حيل و تصير طرية و مترطبة .. 

نفس الشي جزئات الهيالورونيك اسيد لما تخترق خلايا الجلد راح تجمع الماي حولها ويسبب هالشي امتلاء للمنطقة الموجود فيها الهيالورونيك اسيد فبالتالي راح تمتلي البشرة وخاصة الخطوط والتجاعيد والالتزام والحرص على استخدام منتجات عناية يومية تحتوي على هذا الحمض راح تفير بشرتكم للافضل اكيد وافضل من كثير منتجات خالية منه✅

دايما حرصوا يا بنات و شباب تاخذون منتج عالاقل واحد من منتجات العناية اليومية يحتوي على هذا الحمض من تبدي معاكم الخطوط و التجاعيد او حتى لو ما كانت واضحة بس عديتوا عمر ال ٢٥ سنة عالاقل !! 

شلون تعرفون هالمنتجات ؟! عادة اما ينكتب عليها حمض الهيالورونيك اسيد بالعربي او بخانة التركيبات ال ingredients: يكتبون hyaluronic acid او 

‏ sodium hyaluronate ✅💪🏼 لا تنسون هالشي و تذكروا كلامي عدل 👍🏼❤️