طول الشعر يزيد بمعدل متعارف عليه علمياً من نص الى سنتي متر واحد شهريا، و ممكن يزيد شوي اذا كان في عوامل وراثية .. 

ما هو الشيء الذي يطول الشعر في أسبوع

لا تسمعون الكلام الذي يقال عن كثير من المنتجات أنها هي السبب الرئيسي في زيادة طول الشعر .. نعم الاهتمام و العناية و استخدام منتجات و زيوت للشعر زينة يساعد في الحفاظ على شعر صحي بس ماراح تكون هي السبب انها بتزيد من هذا المعدل و شوفوا النصايح التالية : 

سر تطويل الشعر بسرعه

1- اهم نصيحة تأكدي ان ما يكون عندج نقص حديد [ فقر دم ] او نقص في مخزون الحديد و اذا كان عندج عالجيه و لا تهملينه.. لان نقصه هذا يخلي الشعر هش و يتكسر من النص و بالتالي كل ما يطول الشعر نتيجة لهشاشته و ضعفه تلاقينه يتلف و يتكسر فماراح تحسين ان شعرج قاعد يطول بسبب هذا التلف و تكسر الشعر . 

2- ترطيب الشعر هو اهم عناية يعني مثل ما الوجه يترطب لازم ما اهمل ترطيب شعري و هالشي يصير بالخطوات التالية بختصر:

1- عدم اهمال الزيوت الاسبوعية للشعر لانها ترطب و تقوي الشعر. 
2- شي اخر مهم لا تهملون خطوة البلسم بعد الشامبو للشعر لانها تساعد ان ترطب الاطراف و تخلي تسريح الشعر سهل بدل ما يتكسر و يتلف. 

الخلاصة : 

عشان شعركم يطول >> لازم تهتمون فيه و تحرصون على ترطيبه عشان ما يتلف و يتكسر و بالتالي تحسون بالنمو و الطبيعي له و ان قاعد يطول 👍🏼🌹