وصفة سحرية، معجون الاسنان للبشرة والتجاعيد ، د. جنة خداده

🥰🥰🤔🤔 معجون الاسنان سحري على البشرة :

انتشرت كثير فيديوات عن معجون الاسنان و انه ممتاز لعلاج الحبوب و الرؤوس السوداء و انه يصفي البشرة بس لي كلام و ووجهة نظر اتمنى منكم تاخذونها بعين الاعتبار مع احترامي الكامل اللي قاعدين يطبقونه جدام الناس بالسوشيال ميديا قد يكون انه فادهم بشي و نقلوا تجربتهم بس مو الكل راح يستفيد منها فوجب علي اني اشرح للناس و اوضح الصح لهم :

معجون الاسنان للاسنان و غير ذلك مافي 👍🏻👍🏻👍🏻👍🏻..

ليش دكتوره ؟!؟!

لان المعجون حتى لو في مواد تنشف دهنية البشرة و تنشف الحبة عند البعض و اللي انقلوا تجاربهم للناس خطأ و مو كل ينطبق عليه هالاشياء .. فمن ناحية اخرى و ركزوا حيل بهالشي ان معجون الاسنان مو تركيبه مناسبة للجلد و البشرة فهو يحتوي على مواد تضر البشرة و الاسنان تتحملها لكن البشرة الرقيقة ما تتحملها فديروا بالكم على بشرتكم مو اي شي ينحط عليها و من هالمواد اللي تأذي البشرة و تضرها الاتي : .

١- مادة الفلورايد ❌⛔️❌⛔️

اللي داخله بتركيبة معجون الاسنان تضر البشرة و تسبب التهابات فيها .. اي نعم الاسنان تتحملها لانها اسنان لكن الجلد الاكيد لا ما يتحملها

٢- مادة صوديوم لوريل سلفات

تضر البشرة و تتفاعل مع الجلد و تسبب تهيجاً و حكة و جفاف فيها و بعد التهيج الاكيد ان بصير اسمرار في البشرة

و غيرها من المواد اللي تنفع في تنظيف الاسنان بس تضر الجلد .

سؤالي الحين :

هل خلت الادوية المناسبة لعلاج مشاكل البشرة عشان احط معجون على ويهي ؟!؟! .

الاجابة : اكيد ..لا 👍🏻👍🏻👍🏻👍🏻

اذاً.. الخطوة الصح ان المعجون للاسنان و للاسنان فقط

و اذا عانيتوا من مشكلة ببشرتكم لازم زيارة الطبيب التابع للمنطقة و يصرف لكم ادوية بالمجان تعالج حبوب البشرة منها الابيديو جل و غيرها و كل على حسب حالته و اللي يحتاجه من علاج و الله يحفظكم و يسعدكم ❤️❤️❤️❤️

د.جوووووج