هذه السيرومات مضيعه للمال والفائدة ، د. جنة خداده

السيرومات هذي .. مضيعه للفلوس 🤚🏼💸 و مضيعه للفايدة 🧐🤚🏼

اي سيرومات اقصد بهالبوست ؟!سيرومات الكافيار بس اللي تكون تركيبتها ولاين المجموعة عندهم فيها كافيار بسكل اساسي و بدون وجود اي اضافات مفيدة لهذا النوع من السيرومات .. و على فكره السيرومات المركزة بالكافيار توقفت عن استخدامها من سنين لانه تخلي طبيعة البشرة دهنية و تطلع حبوب مادري لا لاحظتوا هالشي او صار معاكم ..

غير انه هالنوع من السيرومات مضيعه للفلوس و مضيعه للفايدة خل اشرحلكم ليش ؟!؟!

مضيعه للفلوس 💸💸💸💸

لانها غالية حيل و سعرها اكبر من قيمتها و بسعرها او يعر كريم واحد منها تقدرين تاخذين لاين عناية كامل وعلى فكرة غالية مو لانها ممتازة للبشرة و لكن لانه استخلاص مادة الكافيار من بيوض بعض الاسماك من البحر و بمواسم معينة زاد سعرها و غير التسويق التجاري اللي صار حق بعض البراندات يخليني اقول لكم مو غالية لفايدتها.

مضيعه للفايده 🥺🥺❌❌

لانه اللي بتاخذها عشان نضارة ماراح تنفعها كثر ماراح ينفعها و يفيدها سيرومات الفيتامين سي و اللي تبي تعبئة خطوط و تجاعيد ماراح تنفعها كثر ماراح تنفعها سيرومات الهايلورونيك اسيد و اللي تبي توحيد لون او ازالة تصبغات الكافيار ماراح ينفعها كثر ماراح تفيدها المقشرات ..

عرفتوا ليش اذا السيروم بس في كافيار بتركيبته بشكل اساسي مضيعه للفايده لانه ماراح يحل لنا لوحده المشاكل الكثيرة للبشرة من تصبغات او خطوط او حتى نضارة و هذا الكلام قاعد اوصله لكم للعلم و الفايدة .

الخلاصة

مو كل شي غالي زين للبشرة و العكس .. المهم التركيبة و اذا في امكانيات مادية الاولى انها تنحط على شي مفيد و ارد و اقول اللي قصدته لاينات الكريمات و السيرومات اللي تركيبتها بس كافيار و قاعدين يبالغون بسعرها و تتعدى ١٠٠ دينار و فوق و ليس القصد اللي يكون فيها كافيار بس عالاقل فيها مواد اخرى مفيدة للبشرة 🤚🏼🤚🏼🤚🏼🤚🏼

د.جوووووج