كارثة خلطات وماسكات مراكز التجميل ، د. جنة خداده
❌👩🏻 اشتراكات و خلطات الصالونات للشعر 🧐⛔️
.
في بعض الصالونات و ركزوا على كلمة بعض يسوون شي اسمه اشتراكات الخلطات الطبيعية او خلطات الشعر بشكل عام و اللي الغرض منها انها تغذي الشعر و تساعد في حل التساقط او التخفيف عنه 🤗🤗🤗🤗 بس جم وحده فيكم سوتهم لهذا الغرض و طاح شعرها سواء اثناء هذي الاشتراكات لخلطات الشعر او بعدها ؟!؟! و يا ترى ليش ؟!؟!
هذا الغرض من هذا البوست ..🥰🥰
طريقتي بالشرح ماحب اعمم و لا اظلم و لا اقول شي من غير ماكون ملمه ودقيقة بالموضوع عشان توصل المعلومة لكم صح فقلت بعض الصالونات مو الكل بهالخلطات يحطون زيوت عشان تعطي قوام خفيف للخلطة وتفرد معاهم وعشان مثل ما يقولون تعطي لمعه للشعر بس ها🤚🏼🤚🏼🤚🏼🤚🏼
الخلطات هذي ياخذون جزء منها وينفرك ويدلك فيها جذور الشعر و اتظل البنت اللي تحط لكم هالخلطات تفرك و انتو مستانسين و تقولون الله عشان تتغذى الجذور و اهني الكارثة😢😢❌⛔️ ..
متى دكتوره تكون هالخلطات دمار و ليست فايده ركزوا معاي بنقطتين :
١- اذا الخلطات انحطت عالجذور وكان فيها زيوت..
لان الافضل انها ما تنحط عالجذور و لا تنسون انه هذا اشتراك يعني مو مره او مرتين اقل شي بتسونه ست مرات ليت تخلصون اشتراكم صح ؟!؟! فتخيلوا كمية الزيت اللي بتظل على فروة الراس و ماتروح بالكامل حتى لو انغسل الشعرعشرين مرة..تراكم هالزيوت عالفروة مضر لانه يثقل على بصيلات الشعر و يسبب طبقة من القشرة الدهنية و يبتدي الشعر يطيح بدال لا تستفيد و اهني بدال لا يستفيد الشعر بيتدمر و يزيد تساقطه سواء اثناء هالخلطات او بعدها ❌⛔️❌⛔️ يعني سألي قبل لا تنحط هالماسكات على فروة الراس فيها زيوت او لا؟!؟!
٢- نقطة اللي تحط لكم الماسكات
لازم تحرصون انها ما تدلك لمدة طويلة و بقوة سواء الخلطات فيها زيت اولا لانه مو كل بصيلات الشعر قوية وتتحمل الدعك القوب بالتالي يزيدتساقط الشعر .اتمنى وصلت المعلومة لكم ما قصدت كل الصالونات و قصدت ماسكات الشعر اذا كان فيها زيوت فلا توووووضع عالفروة و لا ننسى نقطة الدعك القوي للفروة ماله داعي لان راح يزيد عندكم مشكلة التساقط فالماسكات بهالطريقة راح تكون كارثة بدال لا تكون مفيدة .
ملاحظة :
الكلام ينطبق مو بس عالصالونات و لكن كذلك عالماسكات المنزلية اللي بنفس هالطريقة 👍🏻👍🏻👍🏻👍🏻
.
.
د. جوووووج .
.
👩🏻👩🏻جم وحدة فيكم بدت بالمسكات هذي او الخلطات و صارت عندها مشكلة التساقط اكثر بدال لا تستفيد ؟!؟!فيدونا بنات و بارك الله فيكم؟!؟!
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق