ماهو أفضل تركيز من سيروم فيتامين سي للبشره ؟ د. جنة خداده
ماهو أفضل تركيز من سيروم فيتامين سي ؟!؟!
🧐🧐😍😍.
الحين الكل عرف و اتمنى وصلت له المعلومه ان سيروم فيتامين سي مسؤول عن نضارة البشرة و هو السيروم الاساسي و غير هالكلام اجتهادات و ليست اساس في نضارة البشرة 😍😍😍😍 و سيروم سي هو البطل .
انيي الحين حق محور البوست ماهو افضل تركيز من سيروم قيتامين يفيدنا ؟!؟!؟!؟!
١- لازم الكل يعرف ان في تراكيز من سيروم فيتامين سي منها 5% و في اقل حتى و في 10%, 15% , 20% ,30% و في اكثر بس الغالبية بهالتراكيز المتعارف عليها .
٢- دايما اقول التركيز اللي ناسب بشرتكم هو التركيز الافضل يعني اذا بشرتكم ما تحملت التركيز العالي ممكن يأذيها و بشراتنا مختلفة كل واحد فينا يختلف عن غيره المهم نستخدم فيتامين سيروم سي .
٣- التركيز العالي حلو اذا تحملته البشرة بس اذا ما تحملته ممكن يضرها و ما ينفعها لانه اهو نوعا ما شبه مقشر يعطي اضاءه للبشرة و الحل ؟!؟!؟!؟!
٤- الحل هو التدرج و هو طريقة حلوة و غير ضارة للبشرة سواء بتستخدمينه كعناية يومية او بعد الديرمارولار يعني اذا اول مره و خايفة على البشرة من التحسس ابتدي من تركيز 5% او اقل و بعدها ممكن تزيدين بشكل تدريجي اذا البشرة تحملت التركيز لين توصلين لي 20% او حتى 30% .
٥- في اذا بديتوا بتركيز عالي و تحملت البشرة عادي خير و بركة و ضلوا عليه دام ما سبب اي تحسس 🤲🏻🤲🏻😍😍
٦- ليش دكتورة التدرج :
لان بشراتنا مو وحدة في منها اللي حساسة من اي شي و في منهم عندهم وردية و غالبا ما انصحهم الا اذا حابين يبدون بس بأقل تركيز و في بشرات دهنية و مختلطة و في عادية و غيرها و الاختلاف موجود بينا و التدرج راح يساعدنا نتجنب اي مشكلات بالبشرة قد المستطاع .اتمنى الغرض من هالبوست وصل و هو التدرج بسيروم فيتامين سي على حسب كل بشرة و اللي تحملته من تركيز و مو شرط نكون متشابهين بس المهم ما نأذي بشرتنا و اتمنى استفدتوا 😍😍😍😍
.
.
د.جوووووج
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق