بحث
اكلات تزيد من ظهور الحبوب بالوجه والجسم، د. جنة خداده
علاقة الاكل بزيادة مشكلة ظهور الحبوب بالوجه او بالجسم
مابين مؤيد من الدكاترة و معارض لهالشي بس للامانه عن نفسي مع المؤيدين ليش ؟!؟!
لعدة اسباب اولا لان الدراسات اللي اثبتت العكس على عدد قليل من الناس و لفترة قصيرة و بالمقابل في دراسات احدث على مستوى دول مختلفه منها كوريا و امريكا و استراليا قالت له علاقه و غير انه النتيجة النهائية ماراح تنعكس على الناس بالسلب لانه ماراح نمتعهم لكن راح يقللون من اشياء اصلا ضررها اكبر من مجرد انها تسبب حبوب بالبشرة 😍😍😍😍
هل له علاقة بالنهاية ؟!؟!
الاكلات العاليه بالسكريات نسميها high glycemic index مو شرط الككاو لكن الككاو و البيزا و الباستا و الدونت و غيرها 🍕🍰🍫🍕 كثرتها لقوا انها تتسبب بزيادة مشكلة الحبوب و ظهورها و غير انه الحليب و خاصة الحليب المنزوع الدسم skim milk بكثير من الدراسات لقوا له علاقة قوية بتفاقم المشكلة .
الخلاصه الاكل العالي بالسكريات high glycemic index يسوي ارتفاع سريع بالانسولين و بالتالي زيادة لشي نسميه IGF1 اللي بدوره يرفع الاندروجين اللي يساهم بتفاقم المشكلة و الاندروجين لقوا انه نسبته عاليه باللي عندهم حب شباب ✋🏼✋🏼✋🏼✋🏼 عجبتني المعلومة بمؤتمر الجلدية الاخير من دكتوره امريكية تأيد انه انواع معينه من الاكل لها علاقه بتفاقم مشكلة حب الشباب .
بعدين بالنسبه لي معاها و من المؤيدين لانه في ناس عن تجربه تشوف انه في انواع معينه تزيد المشكلة عندهم فاللي نقوله انه الاكل كل ما كان صحي افضل يعني ماله داعي يوميا باستا او بيزا و بالنهاية هذا مو بس عشان حب الشباب عشان صحتكم و عدم الاصابه بالامراض مستقبلا
اما عن الحليب شددت و قالت انه ما نقول للمراهقين او الناس لا تشربون حليب بس نقولهم نبتعد عن الحليب المنزوع الدسم لانه ذكر بكذا دراسه علاقته بزيادة الحب عند البعض .
.
د.جوووووج
.
.
انتو في منكم لقى انه في انواع معينه زادت الحبوب عنده ؟!؟!
------
الاشتراك في:
تعليقات الرسالة
(
Atom
)
ليست هناك تعليقات :
إرسال تعليق