الحاله النفسيه وتساقط الشعر ، د. جنة خداده

😔😔😔😔 الحالة النفسية و تساقط الشعر : 🤓🤓🤓🤓

في حالات معينة يكون سبب التساقط الوحيد فيها عامل نفسي و ضغط و تفكير و هذا بعد ما يستثني الدكتووووور جميع اسباب التساقط من نقص حديد و زنك و غيرها من الفحوصات و مايكون التساقط لا هرموني و لاغيره

و يبتدي الخط او فرق الشعر يكبر و الفراغات تزيد و يبتدي الانسان اللي يعاني من هالمشكلة يتوتر بزيادة فيزيد التساقط فمثال في حالة بالطب عندنا تسمى telogen effluvium و هي لدى البعض تشخص بسبب وجود stress او مجرد ضغط نفسي مع غياب اي سبب مرضي او نقص بأي شي

و تظل فترة و تروح ممكن اشهر و ممكن تتفاقم و تستمر اكثر من ٦ اشهر لين الفراغات تكبر و تكبر صحيح في جينات بالموضوع و لكن في البعض ممكن يحمل نفس هالجينات و ما يمر بهالحالة من التساقط لان ما مر لا بضغط نفسي او نفسية تعبانه و لا بأي مشكلة ✋🏼✋🏼😢😢

اللي بوصله لما تعرفون ان مافي اي سبب مرضي للتساقط لا تركزون بالمشكلة نفسها وايد و خاصة اقصد اذا بذلتوا الاسباب بالعلاج اللي عليكم تريحون و تهدون بالكم فعن نفسي ساعات اقول حق المريضة انسي شعرج لو شهر لا تركزين جم عدد الشعرات اللي طاحت و بيوقف التساقط و لا لا بس اقو لها اهدي

و للعلم النفسية المتعبة مو بس لها دور بتحسن تساقط الشعر و لكن لها دور بالتخلص من اي حالة مرضية و كثير ناس عندهم امراض خطيرة مو بس تساقط و تشافوا و ناس اي مرض بسيط يأذيهم لان النفسية الحلوة تساهم بشكل كبير في اي علاج

فسوا اللي عليكم و ارتاحوا و حاولوا تخففون من التفكير و الهم صحيح صعب في بعض الامور بس عشان صحتكم مافي شي صعب و الله يحفظكم و يسعدكم .