أفضل واسهل طريقة لازالة المكياج ، د. جنة خداده

😍😍😍😍 أفضل طريقة لازالة المكياج ✋🏼✋🏼✋🏼✋🏼:

ابسط الاشياء ممكن تعتبر مهمه للبشرة و ليش ؟! لان على سبيل المثال ازالة المكياج في بنات يوميا يحتاجون يزيلون المكياج فالطريقة و الاسلوب جدا مهم عشان ما تتاثر و تتعب البشرة مع الوقت يا بنات و لما اقول افضل طريقة هذا ما يعني ان البقية سيئين و لكن الطريقة الافضل اهي اللي استخدمها اكثر وحده ليش ؟!؟! 🤔🤔🤓🤓

١- استخدام القطن و سائل المكياج لازالة المكياج

هو افضل طريقة لعدة اسباب و اولها ان القطن انعم شي عالبشره و احتكاكه بالبشرة ناعم و خفيف و غير جذي اختيارج لسائل المكياج اكيد يلعب دور

يعني انتقي الشي المفيد و خالي من العطريات و مايكون زيتي افضل و طبعا ماحطيت مثال عشان لا اقيدكم لان للامانه في وايد اختيارات حلوة بالصيدليات او حتى بالمحلات التجميلية لمنتجات البشرة و الحلو بهالطريقة ان القطن تستخدمينه لمره وحده و ما تكررين استخدامه يعني طريقة صحية و نقية 😍😍

٢- مناديل ازالة المكياج الجاهزة :

هذي بعد زينة بس مشكلتها الاستسية ان كثير منها لو تلاحظون ملمسها او حتى لما تستخدمينها حوالين العين تحمر لانها ماتكون قطن ١٠٠٪؜ فالاحتكاك مع البشرة اثناء ازالة المكياج يسبب احمرار و انتفاخ احيانا و التهاب عند بعض البنات و ما يتحملونها

و اللي صار معاها جذي اقول لعا غيري على نوع اخر من المناديل او اختاري الطريقة رقم واخد اللي شرحتها و لان القطن انعم و اقل اضرار عالبشرة فالطريقة زينه و ساعات استخدمها عن نفسي بس تظل الاولى الافضل و احبها و غير ان هالناديل لو بالغلط نسيتيها مفتوحة راح تنشف و تنقط لانها راح تصير من غير فايدة 👍🏻👍🏻

٣- فوط ازالة المكياج

اللي تتبلل بالماي و تزيلين فيهاكل المكياج موسيئة ولكنهاليست المفضلةلاسباب عديدة اولها قدتضرالبنت للضغط بقوة عالبشرة فتهيجها عشان يروح كل المكياج لان بعض انواع المكياج صعبة تروح بالماء وسهل تروح بسائل مزيل من غير ضغط وحك البشرة بقوة

و الشي الاخر انها اول ما تشترينها لازم تنغسل بماي وصابون وبعدها تستخدمينها بتبليلها بماي وفي بنات ينسون هالشي و اخرشي الفووطة جم مرة بتكررين استخدامها؟!؟!

وايدوفي بنات مايغسلونها عدل ويردون يستخدمونها و هي مو نظيفة بالكامل بعكس الطريقتين اللي فوق تستخدمينهم و ترمينهم يعني افضل و انظف لكم