اول شي تشيلين اي مكياج وتغسلين الوجه لازم يكون نظيف و تجففينه من الماي و الافضل للي توهم بيبدون فيها يكون المقاس لديرمارولار الوجه نص مللي 5. و اكيد لازم تكون الديرمارولار معقمة 

بعدها مثل ماوضحت بالفيديو تقدرين تسوين كل الوجه وحتى الرقبه والذقن والخشم بعد😻 بحيث كل منطقة بتمررين عليها الديرما رولار من٤-٦جرات بكل الاتجاهات عامودي و أفقي و مائل 

و الضغط انتي تتحكمين فيه لايكون خفيف وايد ولا عنيف يعني يكفي انج تحسين بشكات الابر او وخزها وهذا الشي طبيعي اناوضحت بالفيديو الطريقة لكم جداسهلة و كل ما تخلصين منطقة تروحين المنطقة اللي بجانبها لي تخلصين كل الوجه 

و لما تخلصين المتوقع وعادي احمرار بكامل الوجه المعالج بالديرمارولار وممكن نقط دم بسيطة خاصة مع المقاسات اللي تبلش من واحد مللي فلا تحاتون 👍🏼

تقلل المسام تشتغل على اثارحب الشباب والندب الناتج منها وعلى التصبغات وتحسن من التجاعيد الخفيفه كأنها ترمم البشرة لكم مرة ثانية وفوق هذا كله والاهم بعد جلسة الديرمارولار مباشرة نسبة امتصاص البشرة لأي سيرومات يزيد اضعاف نفس ما قلت لكم 

عشان جذي البوست القادم راح يكون فيه السيرومات او الكريمات الممتازة مباشرة بعد الديرمارولار عشان  تصير البشرة خيال و كلها نضارة😻✋🏼✋🏼 

اي شي تبونه عن الديرمارولار تلقونه بقناتي لاني متكلمه عنها بالتفصيل 💘💘